मुंबई | २०१८ वर्षाखेरीस भारतीय संघाचा कर्णधार विराट कोहली कसोटी तसेच वन-डे क्रमवारीत अव्वल स्थानी राहिला आहे. विराटने २०१८मध्ये केलेल्या चांगल्या कामगिरीचे हे फळ आहे.
विराटचे सध्या आयसीसी कसोटी क्रमवारीत ९३१ गुण असून दुसऱ्या स्थानावरील केन विलियमसनचे ८९७ गुण आहेत. तर वन-डे क्रमवारीत विराटचे ८९९ गुण असून दुसऱ्या क्रमांकावरील रोहित शर्माचे ८७१ गुण आहेत.
यामुळे एक खास योगायोग जूळून आला आहे. १ जानेवरी १९९९ रोजी मास्टर ब्लास्टर सचिन तेंडूलकर आयसीसी कसोटी आणि वन-डे क्रमवारीत अव्वल स्थानी होता. आजपर्यंत केवळ दोनच वेळा आयसीसी क्रमवारीत असे भारतीय खेळाडूंसोबत झाले आहे.
विशेष म्हणजे यावर्षी भारतीय संघ कसोटी क्रमवारीत अव्वल असून वन-डे गोलंदाजीच्या क्रमवारीत जसप्रीत बुमराह अव्वल स्थानी आहे.
यापुर्वी केवळ ६ वेळा भारतीय खेळाडू १ जानेवारी रोजी कसोटी क्रमवारीत अव्वल स्थानी राहिले आहे. त्यात सचिन तेंडूलकर (१९९५, १९९९, २००१), राहुल द्रविड (२००५), गौतम गंभीर (२०१०) आणि विराट कोहली (२०१९) यांचा समावेश आहे.
२०१० नंबर तब्बल ९ वर्षांनी भारतीय खेळाडू १ जानेवारी रोजी अव्वल स्थानी आला आहे.
महत्त्वाच्या बातम्या:
–२०१८मध्ये वनडेत धावांचा रतिब घालणारे ५ फलंदाज
