क्रिकेट जरी सांघिक खेळ असला तरी वैयक्तिक कामगिरी व वैयक्तिक विक्रमांना अनेकदा महत्त्व दिले जाते. फलंदाज असेल तर शतके आणि गोलंदाज असेल तर बळींचे पंचक यावरून त्या खेळाडूची महानता पाहिली जाते. भारताच्या सचिन तेंडुलकरने आंतरराष्ट्रीय क्रिकेटमध्ये १०० शतके लगावण्याचा विश्वविक्रम केला आहे तर श्रीलंकेच्या मुथय्या मुरलीधरनने आपल्या नावे हजाराहून अधिक आंतरराष्ट्रीय बळींची नोंद केली आहे.
आज आपण एका अशा फलंदाजाविषयी जाणून घेणार आहोत, ज्याने क्रिकेटमधील फलंदाजी क्षेत्राची परिभाषा बदलून ठेवली आहे. त्या खेळाडूच्या एका अनोख्या विक्रमाबाबत आज आम्ही तुम्हाला सांगणार आहोत. आपल्या ३६० डिग्री फलंदाजीने ६७ पेक्षा कमी चेंडूत ७ एकदिवसीय शतके झळकावणारा तो जगातील एकमेव फलंदाज आहे. तो खेळाडू म्हणजे, द. आफ्रिकेचा माजी कर्णधार एबी डिव्हिलियर्स.
क्रिकेटच्या तिन्ही प्रारूपात आक्रमक फलंदाजी करत डिव्हिलियर्सने आंतरराष्ट्रीय क्रिकेटमध्ये आपले नाव चमकवले आहे. द. आफ्रिकेला एक हाती अनेक सामने जिंकून देणाऱ्या डिव्हिलियर्सने २०१८ मध्ये अचानक आंतरराष्ट्रीय क्रिकेटमधून निवृत्ती घेतली होती. त्यानंतर तो काही व्यवसायिक टी२० लीग खेळताना दिसला. सध्या तो आंतरराष्ट्रीय क्रिकेटमध्ये पुनरागमन करण्यास इच्छुक आहे. २०२१ मध्ये भारतात होणाऱ्या टी२० विश्वचषकात तो पुन्हा द. आफ्रिकेचे प्रतिनिधित्व करताना दिसून येईल.
६७ पेक्षा कमी चेंडू खेळून ७ एकदिवसीय शतके झळकावणारा एकमेव फलंदाज
एकदिवसीय क्रिकेटमध्ये सर्वात जलद अर्धशतक, शतक व दिडशतकाचा विश्वविक्रम डिव्हिलियर्सच्या नावे आहे. याचसोबत, डिव्हिलियर्स असा एकमेव फलंदाज आहे ज्याने ६७ किंवा त्यापेक्षा कमी चेंडू खेळत ७ एकदिवसीय शतके झळकावली आहेत. २००५ ते २०१८ या काळात द. आफ्रिकेकडून खेळताना त्याने ही कामगिरी केली. डिव्हिलियर्सने आपल्या एकदिवसीय कारकिर्दीतील २५ शतके व ५३ अर्धशतके ठोकली आहेत.
डिव्हिलियर्सच्या आधी, भारताचा माजी सलामीवीर वीरेंद्र सेहवाग याने ८० पेक्षा कमी चेंडूत ७ शतके झळकावली होती.
महत्त्वाच्या बातम्या –
…म्हणून केकेआरने ख्रिस लिनला सोडले, खुद्द कर्णधाराने सांगितले कारण
धोनी कितीही ग्रेट असला तरी हॉल ऑफ फेममध्ये सामील व्हायला पहावी लागणार या कारणामुळे वाट
असा परफेक्ट फलंदाज मी तरी पाहिला नाही, गावसकरांनी केले ‘या’ क्रिकेटरचे जोरदार कौतूक
ट्रेंडिंग लेख –
बापरे! तुमची लाडकी मुंबई इंडियन्स युएईत रहाते अतिशय महागड्या हॉटेलात, एका दिवसाचे भाडे…
एकाच ओव्हरमध्ये ३० धावा काढणारे आयपीएलमधील ५ सुपरस्टार, एकाने तर ३७ धावांचा केलाय कारनामा
आयपीएलमधील ‘हे’ ३ खेळाडू भारताला जिंकून देऊ शकतात टी२० विश्वचषक