लक्झेंबर्गमध्ये चेक रिपब्लिक, बेल्जियम आणि लक्झेंबर्ग या ३ संघात तिरंगी मालिका सुरु आहे. या टी२० मालिकेत आज(२९ ऑगस्ट) बेल्जियमचा पहिला सामना लक्झेंबर्ग विरुद्ध झाला तर दुसरा सामना चेक रिब्लिक विरुद्ध झाला. या दोन्ही सामन्यात बेल्जियमचा कर्णधार शहेरियार बटने शानदार कामगिरी केली आहे. याबरोबरच त्याने एक खास विश्वविक्रमही केला आहे.
त्याने पहिल्यांदा आज लक्झेंबर्ग विरुद्ध ४५ चेंडूत ४ चौकार आणि ७ षटकारासह नाबाद ८१ धावा केल्या आहेत. त्याच्या या खेळीमुळे बेल्जियमने प्रथम फलंदाजी करताना २० षटकात १६५ धावा केल्या आणि लक्झेंबर्गला १६६ धावांचे आव्हान दिले होते. परंतु लक्झेंबर्गला २० षटकात ८ बाद १२८ धावाच करता आल्या. त्यामुळे बेल्जियमने हा सामना ३७ धावांनी जिंकला. बेल्जियमकडून खालिद अहमदीने ३ विकेट्स घेतल्या.
या सामन्यानंतर आजच बेल्जियमचा सामना चेक रिपब्लिक संघाविरुद्ध देखील झाला आहे. या सामन्यातही बेल्जियमने प्रथम फलंदाजी केली. यावेळी त्यांचा कर्णधार बटने तुफानी खेळ करताना ४९ चेंडूत ११ चौकार आणि ९ षटकारांसह नाबाद १२४ धावा केल्या आहेत. त्याच्या या खेळीमुळे बेल्जियमने ६ बाद १९७ धावा केल्या आहेत आणि चेक रिपब्लिकला १९८ धावांचे आव्हान दिले आहे.
या आव्हानाचा पाठलाग करताना चेक रिपब्लिकला ८ बाद १५१ धावाच करता आल्याने बेल्जियमने हा सामाना ४६ धावांनी जिंकला आहे. आशिकुल्ला सईदने बेल्जियमकडून ३ विकेट्स घेतल्या.
याबरोबरच बटने लक्झेंबर्गविरुद्ध अर्धशतक आणि चेक रिपब्लिक विरुद्ध आज शतक केल्याने तो एकाच दिवशी २ वेगवेगळ्या आंतरराष्ट्रीय टी२० सामन्यात अर्धशतक आणि शतक करणारा पहिला क्रिकेटपटू ठरला आहे. आत्तापर्यंत एकाच दिवशी २ वेगवेगळ्या आंतरराष्ट्रीय टी२० सामन्यात कोणत्याही खेळाडूला शतक आणि अर्धशतक करता आले नव्हते.
याआधी अफगाणिस्तानचा यष्टीरक्षक फलंदाज मोहम्मद शेहजादने एकाच दिवशी २ वेगवेगळ्या आंतरराष्ट्रीय टी२० सामन्यात अर्धशतके झळकावण्याचा पराक्रम केला होता. त्याने २०१७ ला संयुक्त अरब अमिरातीमध्ये ८ आयसीसीच्या सहयोगी सदस्ययी संघात खेळवण्यात आलेल्या डेझर्ट टी२० स्पर्धेत हा कारमाना केला होता.
या स्पर्धेतील दोन्ही उपांत्य सामने आणि अंतिम सामना एकाच दिवशी म्हणजे २० जानेवारी २०१७ ला दुबईमध्ये खेळवण्यात आले होते. त्यामुळे पहिल्या उपांत्य सामन्यात ओमान विरुद्ध शेहजादने ६० चेंडूत ८० धावांची खेळी केली होती. यात त्याने ८ चौकार आणि ३ षटकार मारले होते. तर अंतिम सामन्यात आर्यलंड विरुद्ध अफगाणिस्तानकडून शेहजादने पुन्हा एकदा अर्धशतकी धमाका करताना ४० चेंडूत नाबाद ५२ धावा करताना ९ चौकार आणि १ षटकार मारला होता.
महत्त्वाच्या बातम्या –
…म्हणून केकेआरने ख्रिस लिनला सोडले, खुद्द कर्णधाराने सांगितले कारण
काय सांगता! या खेळाडूने ६७ पेक्षा कमी चेंडू खेळून केलीत तब्बल ७ वनडे शतकं
…आणि असे एमएस धोनी कमावू लागला दिवसाला ६-७ हजार रुपये
ट्रेंडिंग लेख –
आयपीएलमधील ‘हे’ ३ खेळाडू भारताला जिंकून देऊ शकतात टी२० विश्वचषक
आयपीएलमध्ये फलंदाजांना रडकुंडीला आणणारे ६ भारतीय गोलंदाज
१० कोटी रुपये मिळूनही आयपीएलमध्ये सुपर डुपर फ्लाॅप ठरलेले ३ भारतीय खेळाडू
