'तुम्ही धोनीला 'ही' असली वागणूक देताय?' पाकिस्तानचा आफ्रिदी भडकला

आयपीएल २०२० मध्ये चेन्नई सुपर किंग्स संघाने चांगली कामगिरी न केल्यामुळे कर्णधार एमएस धोनीची मुलगी झिवाला बलात्काराची धमकी मिळाली होती. त्यानंतर सुरक्षेच्या कारणांमुळे धोनीच्या रांचीतील फार्म हाऊसच्या सुरक्षेतही वाढ करण्यात आली होती. मात्र आता धमकी देणाऱ्या व्यक्तीला गुजरातमधून अटक करण्यात आली आहे. अशात याबाबत पाकिस्तानचा माजी अष्टपैलू शाहिद आफ्रिदीने प्रतिक्रिया दिली आहे.

तो म्हणाला, “एमएस धोनी आणि त्याच्या कुटुंबीयांना कोणत्या प्रकारच्या धमक्या दिल्या गेल्या आहेत, हे मला माहिती नाही. परंतू, हे योग्य नाही आणि तसं होणं देखील अपेक्षित नाही. धोनी हा असा व्यक्ती आहे, ज्याने भारतीय क्रिकेटला एका नव्या उंचीवर नेले आहे. तसेच, त्याने त्याच्या एकूण क्रिकेट प्रवासात नव्या आणि जुन्या अशा दोन्ही प्रकारच्या खेळाडूंना सोबत घेतलेले आहे. त्यामुळे त्याला आता अशा प्रकारची वागणूक मिळणे बिलकूल योग्य नाही.”

Shahid Afridi "I don't know what sort of threats were directed at MS Dhoni & his family but it's not right & shouldn't happen. Dhoni's the person who has taken Indian cricket to new heights. He's taken junior & senior players along this journey & doesn't deserve such treatment"

— Saj Sadiq (@Saj_PakPassion) October 11, 2020

या प्रकरणाबाबत यापूर्वी भारतीय संघाचा माजी अष्टपैलू इरफान पठाणनेही प्रतिक्रिया दिली होती. १५ ऑगस्टला धोनीने आंतरराष्ट्रीय क्रिकेटमधून निवृत्ती घेतली होती. त्याच्या या निवृत्तीच्या सोशल मीडियावरील पोस्टवर एका युवकाने झिवा धोनीला बलात्कार करण्याची धमकी दिली होती.

All the players giving their best,sometimes it just doesn’t work but it’s doesn’t give any one any authority to give a threat to a young child #mentality #respect

— Irfan Pathan (@IrfanPathan) October 9, 2020