‘मुंबई इंडियन्स सर्वोत्तम संघ, पण आमच्याकडेही निर्भीड खेळाडू…’, बेंगलोरविरुद्धच्या सामन्यानंतर श्रेयसचे वक्तव्य

पुढे बोलताना अय्यर म्हणाला, “खरं तर त्यादिवशीच्या कामगिरीवर हे अवलंबून आहे. मुंबई इंडियन्सला अंतिम सामन्यात खेळण्याचा खूप अनुभव आहे. परंतु सामन्याच्या दिवसी ज्या संघाचा दृष्टिकोन चांगला असतो आणि जो संघ चांगली कामगिरी करतो, तोच संघ पुढे यशस्वी होईल.”

मुंबईविरुद्ध दुबईतील सामन्यात सहजपणे दबावाचा सामना करणे महत्त्वपूर्ण ठरेल, असे अय्यरने म्हटले. तो म्हणाला, “आम्हाला दबावाच्या परिस्थितीत गोष्टी सहतेने हाताळाव्या लागतील. आम्ही ज्या प्रकारे पुढे जात होतो, त्यात आम्हाला चांगला विजय मिळाला. यामुळे आमचे मनोबलही वाढेल. सलग चार पराभवांनंतर हा विजय आमच्यासाठी आवश्यक होता. मी आमच्या खेळाडूंच्या कामगिरीने खुश आहे.”

रोहित संघात परतल्याने मुंबईचे बळ वाढले

रोहित शर्मा दुखापती मुळे बाहेर असल्याने कायरन पोलार्ड त्याच्या जागी संघाची धुरा सांभाळत होता. अशाही परिस्थितीत संघाने आपली यशस्वी घोडदौड पुढे सुरू ठेवली होती. सलामीला देखील इशन किशनने डी कॉकसोबत उत्तम खेळ करून दाखवला. मात्र कर्णधार रोहित शर्मा संघात परतल्याने संघाचे बळ आणखीन वाढले असून दिल्लीसाठी खरंतर हा सामना जड जाऊ शकतो, असे काही जाणकार सांगतात.