क्रिकेट हा अनिश्चिततेचा खेळ आहे हे नाकारता येत नाही. कारण आंतरराष्ट्रीय क्रिकेटमध्ये बर्याच वेळा असे झाले आहे की, एखादा जिंकलेला सामना विरोधी संघाने स्वतःकडे खेचला. असे अनेक क्रिकेट सामने झाले आहेत, एखादा सामना आपल्या हातून जाणार हे माहित असूनही शेवटच्या क्षणी थरार वाढतो, आणि अनपेक्षितपणे सामना जिंकला जातो. या सर्व कारणांमुळे क्रिकेटमधील प्रत्येक गोष्ट अनिश्चित मानली जाते. फलंदाज आणि गोलंदाज दोघेही खेळ रोमांचक करतात आणि प्रेक्षकांचेही मनोरंजन करतात.
एखादा फलंदाज वादळी खेळी करतो आणि प्रेक्षकांची मने जिंकतो. बर्याच वेळा असेही होते की त्या फलंदाजाला खाते न उघडता शून्य धावा करून तंबूत परतावे लागते. अशा परिस्थितीत खेळाडू निराश होतो पण ते प्रेक्षकांनाही आवडत नाही.
या लेखातही अशा ५ फलंदाजांविषयी जाणून घेणार आहोत, ज्यांनी आंतरराष्ट्रीय कारकीर्दीत सर्वाधिक डक म्हणजेच शून्य धावा करून बाद झाले आहेत.
सध्या खेळत असलेले क्रिकेटर जे आंतरराष्ट्रीय क्रिकेटमध्ये सर्वाधिक वेळा झाले शुन्यावर बाद
इशांत शर्मा आणि जेम्स अँडरसन – ३७ वेळा
आंतरराष्ट्रीय कारकीर्दीत इशांत शर्मा (Ishant Sharma) आणि जेम्स अँडरसन (James Anderson) दोघेही कसोटी क्रिकेटमध्ये खेळताना दिसतात. दोघांनीही आपल्या कारकीर्दीत बर्याच वेळा फलंदाजी केली परंतु त्यांना शून्य धावांवर बाद होऊन बर्याच वेळा मैदानाबाहेर जाताना पाहिले आहे. या यादीत दोघे संयुक्तपणे तिसर्या क्रमांकावर आहेत. इशांत शर्मा आणि जेम्स अँडरसन आतापर्यंत ३७ वेळा शून्य धावांवर बाद होऊन पॅवेलियनमध्ये परतले आहेत.
लसिथ मलिंगा आणि ख्रिस गेल – ४३ वेळा
लसिथ मलिंगा (Lasith Malinga) आणि ख्रिस गेल (Chris Gayle ) दोघेही आपल्या कारकीर्दीच्या अंतिम टप्प्यावर आहेत. सध्या दोन्ही खेळाडू कसोटी क्रिकेट खेळत नाहीत. या यादीमध्ये त्याचे नाव संयुक्तपणे दुसर्या स्थानावर आहे. गेल आणि मलिंगा खाते न उघडता ४३ वेळा पॅव्हेलियनमध्ये परतले आहेत. मलिंगा गोलंदाज आहे पण गेल एक फलंदाज आहे आणि या यादीमध्ये त्याचा देखील समावेश आहे जे आश्चर्यकारक आहे.
स्टुअर्ट ब्रॉड (Stuart Broad) – ४५ वेळा
इंग्लंडकडून कसोटी क्रिकेटमध्ये ५०० बळी घेणाऱ्या स्टुअर्ट ब्रॉडलाही उत्तम फलंदाजी करता येते. पण सर्वाधिक वेळा शून्य धावा काढून बाद झालेल्या सध्याच्या खेळाडूंमध्ये त्याचे नाव सर्वोच्च स्थानी आहे. स्टुअर्ट ब्रॉडने आतापर्यंत आपल्या कारकीर्दीत ४५ डक केले आहेत. सध्या तो आंतरराष्ट्रीय क्रिकेटमध्ये सक्रिय आहे, त्यामुळे हा आकडा वाढण्याची शक्यता आहे.
