भारत आणि न्यूझीलंड यांच्यातील कसोटी मालिकेला उद्यापासून (16 ऑक्टोबर) सुरूवात होणार आहे. ज्यामध्ये 3 सामने खेळवले जाणार आहेत. ज्यासाठी दोन्ही संघ पूर्णपणे तयार आहेत. भारत आणि न्यूझीलंडचे संघ सध्या बेंगळुरूमध्ये आहेत. जिथे चिन्नास्वामी स्टेडियमवर पहिला कसोटी सामना होणार आहे.
रोहित शर्माच्या नेतृत्वाखालील टीम इंडिया या मालिकेतील फेव्हरेट मानली जात आहे. पण नव्या कर्णधारासह भारत दौऱ्यावर आलेला किवी संघ काही कमी नाही. जो टॉम लॅथमच्या नेतृत्वाखाली भारतीय संघाला चकित करू शकतो. अशा परिस्थितीत या कसोटी मालिकेत दोन्ही संघांमध्ये रंजक लढत अपेक्षित आहे.
आयसीसी वर्ल्ड टेस्ट चॅम्पियनशिप 2023-25 च्या अंतिम सामन्यासाठी महत्त्वाच्या मानल्या जाणाऱ्या या मालिकेत चाहत्यांना जबरदस्त स्पर्धा पाहायला मिळेल. दोन्ही संघांचा कसोटीत मोठा इतिहास आहे. ज्यात अनेक कडव्या लढती झाल्या आहेत. न्यूझीलंडविरुद्धच्या गेल्या 5 कसोटी सामन्यांमध्ये टीम इंडियाने केवळ 1 सामना जिंकला आहे, तर न्यूझीलंडने 3 सामने जिंकले आहेत. तर एक सामना अनिर्णित राहिला आहे. अशा परिस्थितीत घरच्या भूमीवर खेळणाऱ्या टीम इंडियाने न्यूझीलंडला हलके घेण्याची चूक करू नये. आत्तापर्यंत दोन्ही संघांमध्ये हेड टू हेड रेकॉर्ड कसे आहे, ते पाहूया.
कसोटी क्रिकेटमध्ये भारत आणि न्यूझीलंडचा इतिहास मोठा आहे. दोन्ही संघांमध्ये आतापर्यंत एकूण 62 कसोटी सामने खेळले गेले आहेत. या कसोटी सामन्यांमध्ये भारतीय क्रिकेट संघाने 22 सामने जिंकले आहेत. तर न्यूझीलंडने 13 सामने जिंकले आहेत. याशिवाय 27 सामने अनिर्णित राहिले आहेत. अशा स्थितीत टीम इंडियाने किवी संघावर वर्चस्व राखल्याचे स्पष्ट होते. आता या मालिकेत भारतीय संघ आपला दबदबा कायम राखण्यात यशस्वी होतो की न्यूझीलंड इतिहास बदलतो हे पाहणे उत्सुकतेचे ठरणार आहे.
हेही वाचा-
ind vs nz; पहिल्या कसोटीसाठी टीम इंडियाची संभाव्य प्लेइंग इलेव्हन, 3 फिरकीपटूंना स्थान?
पाकिस्तानच्या पराभवामुळे टीम इंडिया बाहेर, जाणून घ्या सेमीफायनलमध्ये कोणचा प्रवेश
इम्पॅक्ट प्लेअर नियमाला लाल दिवा! बीसीसीआयचा धक्कादायक निर्णय
