“…आणि तेव्हापासून आम्ही मित्र बनलो”; विराटसोबतच्या मैत्रीवर व्यक्त झाला एबी

दक्षिण अफ्रिकेचा माजी कर्णधार आणि दिग्गज फलंदाज एबी डिविलियर्स (ab de villiers) याने विराट कोहलीसोबत त्याच्या मैत्रीची सुरुवात कशी झाली, याविषयी खुलासा केला आहे. भारताचा माजी कर्णधार विराट कोहली (virat kohli) आणि एबी डिविलियर्स आयपीएल फ्रेंचायझी रॉयल चॅलेंजर्स बेंगलोरसाठी (RCB) अनेक वर्ष एकत्र खेळले आहेत. या दोघांच्या जोडीला चाहत्यांकडूनही मोठ्या प्रमाणात प्रेम मिळाले. आरसीबी पॉडकास्टमध्यो बोलताना डिविलियर्स विराटविषयी खूप काही बोलला आहे.

विराटसोबत मैत्रीची सुरुवात कशी झाली, याविषयी बोलताना डिविलियर्स म्हणाला, “व्यवस्थित भेटण्यापूर्वी एक दोन वेळा आमची एकमेकांशी भेट झाली. मी त्याला ओळखायचो आणि तोही मला ओळखत होता. मी आधीही अनेकदा सांगितले आहे की, तो एक युवा खेळाडू होता, जो थोडा अहंकारी वाटायचा. त्यामुळे हा त्याच्याविषयी माझा पहिला समज होता. मी पाहू शकत होते की, त्याला सन्मान मिळाला आहे आणि पुढे मला वाटले की, त्याच्यामध्ये काहीतही खासीयत आहे. आमच्यात एक छोटीशी चर्चा झाली. मी त्याचे कौतुक किंवा तसे काहीच बोललो नव्हतो. परंतु, मला चांगले लक्षात आहे की, जेव्हा मला आरसीबीने विकत घेतले. तेव्हा आम्ही एकत्र खेळण्याविषयी उत्सुक असल्याची चर्चा केली होती.”