2025 च्या आयसीसी चॅम्पियन्स ट्रॉफीच्या अंतिम सामन्यात भारतीय संघाने न्यूझीलंडचा 4 विकेट्सने पराभव केला. भारतीय संघाने ही स्पर्धा तिसऱ्यांदा जिंकली आहे. 2002 मध्ये पहिल्यांदाच भारतीय संघाने श्रीलंकेसोबत हे विजेतेपद सामायिक केले. त्यानंतर 2013 मध्ये भारतीय संघ एमएस धोनीच्या नेतृत्वाखाली चॅम्पियन बनला. आता रोहित शर्माच्या नेतृत्वाखाली भारतीय संघाने इतिहास रचला आहे.
चॅम्पियन्स ट्रॉफीच्या अंतिम सामन्यानंतर पुरस्कार वितरण सोहळ्यादरम्यान वाद निर्माण झाला. त्यावेळी पाकिस्तान क्रिकेट बोर्डाचा (PCB) कोणताही अधिकारी स्टेजवर उपस्थित नव्हता. ही स्पर्धा पाकिस्तानच्या यजमानपदाखाली आयोजित करण्यात आली होती. आता आंतरराष्ट्रीय क्रिकेट परिषदेने (ICC) या संपूर्ण प्रकरणावर स्पष्टीकरण दिले आहे. आयसीसीने यजमान पाकिस्तानला चोख उत्तर दिले आहे.
आयसीसीच्या प्रवक्त्याने सांगितले की, पीसीबी प्रमुख मोहसीन नक्वी अनुपलब्ध होते आणि त्यांनी दुबईला प्रवास केला नाही. माझ्या मते, सादरीकरण समारंभासाठी फक्त बोर्डाच्या अधिकाऱ्यांनाच बोलावता येईल. यासाठी पीसीबीचा कोणताही अधिकारी उपलब्ध नव्हता. ते (पीसीबी) यजमान होते, त्यांना तिथे असायला हवे होते.
पाकिस्तानचा माजी वेगवान गोलंदाज शोएब अख्तरने त्याच्या एक्स अकाउंटवर एक व्हिडिओ पोस्ट केला होता आणि म्हटले होते की, ‘भारतीय संघाने चॅम्पियन्स ट्रॉफी जिंकली, पण अंतिम सामन्यानंतर पीसीबीचा कोणताही प्रतिनिधी नव्हता. पाकिस्तान यजमान होता. पीसीबीचा कोणीही तिथे का नव्हता हे मला समजले नाही.
पाकिस्तानी माध्यमांच्या वृत्तानुसार, पीसीबीचे अध्यक्ष मोहसीन नक्वी गृहमंत्री म्हणून काही कामांमुळे दुबईला जाऊ शकले नाहीत. आयसीसी अध्यक्ष जय शाह, बीसीसीआय अध्यक्ष रॉजर बिन्नी आणि सचिव देवजीत सैकिया यांनी खेळाडूंना पदके, ट्रॉफी आणि जॅकेट प्रदान केले.
पीसीबीच्या सूत्रांनी दावा केला होता की बोर्डाचे मुख्य कार्यकारी अधिकारी सुमैर अहमद दुबईला गेले होते, परंतु त्यांना पुरस्कार सोहळ्यासाठी आमंत्रित करण्यात आले नव्हते. तथापि, आयसीसीच्या प्रवक्त्यांच्या विधानावरून हे स्पष्ट होते की हा दावा खोटा होता कारण पीसीबीचा कोणताही अधिकारी व्यासपीठावर उपस्थित नव्हता. सुमैर अहमद हे या स्पर्धेचे संचालक देखील होते.
हेही वाचा –
अंतिम सामन्यात संघाला आली ‘या’ खेळाडूची आठवण; कर्णधाराचा खुलासा
2027चा वनडे विश्वचषक खेळणार का? पाहा काय म्हणाला रोहित शर्मा?
रोहित शर्माची चॅम्पियन्स ट्रॉफीतून उचलबांगडी; आयसीसीने जाहीर केला संघ
