महिला प्रीमियर लीगचा लिलाव कधी आणि कुठे होणार? जाणून घ्या एका क्लिकवर

महिला प्रीमियर लीगच्या (Women Premier League 2025) लिलावासंदर्भात महत्त्वाची बातमी समोर आली आहे. एका रिपोर्टनुसार, 15 डिसेंबरला बंगळुरूमध्ये लिलावाचे आयोजन केले जाऊ शकते. नुकताच आयपीएल (IPL 2025)चा मेगा लिलाव (Mega Auction) सौदी अरेबियातील जेद्दाह येथे आयोजित करण्यात आला होता. मात्र महिला प्रीमियर लीगचा लिलाव फक्त भारतातच होणार आहे.

इंडिया टुडेमधील एका बातमीनुसार (15 डिसेंबर) रोजी बंगळुरूमध्ये महिला प्रीमियर लीगचा लिलाव आयोजित केला जाऊ शकतो. मात्र, याबाबत अधिकृत माहिती अद्याप समोर आली नाही. लिलावात सर्वाधिक पैसा गुजरात जायंट्सकडे (GG) आहे. गुजरातकडे सध्या 4.40 कोटी रूपये उपलब्ध आहेत. दिल्ली कॅपिटल्सकडे (DC) सर्वात कमी पैसे आहेत. दिल्लीकडे 2.50 कोटी रूपये आहेत. यूपी वॉरियर्सकडे 3.90 कोटी रुपये, तर मुंबईकडे 2.64 कोटी रूपये आहेत.

डब्ल्यूपीएलच्या 5 संघांनी रिटेन्शन यादी जाहीर केली आहे. आता लिलावात 19 खेळाडूंसाठी जागा उपलब्ध आहे. यामध्ये विदेशी खेळाडूंसाठी 5 स्लॉट आहेत. महिला प्रीमियर लीगच्या (WPL) लिलावात 19 खेळाडूंवर 16.7 कोटी रूपये खर्च केले जाणार आहेत. यापूर्वी 58.3 कोटी रुपये रिटेन्शनसाठी खर्च करण्यात आले होते. डब्ल्यूपीएलच्या 5 संघांनी एकूण 71 खेळाडूंना कायम ठेवले आहे.

महिला प्रीमियर लीग 2025 साठी सर्व संघांचे राखून ठेवलेले खेळाडू-

1) मुंबई इंडियन्स- अमनदीप कौर, अमनजोत कौर, अमेलिया केर, क्लो ट्रायॉन, हरमनप्रीत कौर, हेली मॅथ्यूज, जिंतीमनी कलिता, कीर्तन बालकृष्णन, नताली स्कायव्हर, पूजा वस्त्राकर, सजना सजीवन, सायका इशाक, शबनीम इस्माईल, यास्तिका भाटिया

2) रॉयल चॅलेंजर्स बंगळुरू- आशा शोभना, डॅनी व्याट, एकता बिश्त, एलिस पेरी, जॉर्जिया वेरेहम, कनिका आहुजा, केट क्रॉस, रेणुका सिंग, रिचा घोष, एस. मेघना, श्रेयंका पाटील, स्म्रीती मानधना, सोफी डिव्हाईन, सोफी मोलिनक्स

3) यूपी वॉरियर्स- अलिसा हिली, अंजली सरवानी, चमारी अटापट्टू, दीप्ती शर्मा, गौहर सुलताना, ग्रेस हॅरिस, किरण नवगिरे, पूनम खेमनार, राजेश्वरी गायकवाड, सायमा ठाकोर, श्वेता सेहरावत, सोफी एक्लेस्टोन, ताहलिया मॅकग्रा, उमा छेत्री, वृंदा दिनेश

4) दिल्ली कॅपिटल्स- ॲलिस कॅप्सी, ॲनाबेल सदरलँड, अरुंधती रेड्डी, जेमिमाह रॉड्रिग्ज, जेस जोनासेन, मारिजान काप, मेग लॅनिंग, मिन्नू मणी, राधा यादव, शफाली वर्मा, शिखा पांडे, स्नेहा दीप्ती, तानिया भाटिया, तितास साधू

5) गुजरात जायंट्स- ॲशले गार्डनर, बेथ मुनी, भारती फुलमाली, दयालन हेमलता, हरलीन देओल, काश्वी गौतम, लॉरा वोल्वार्ड, मन्नत कश्यप, मेघना सिंग, फोबी लिचफिल्ड, प्रिया मिश्रा, सायली सातघरे, शबनम शकील, तनुजा कंवर

महत्त्वाच्या बातम्या-

टेंबा बवुमाचा षटकार पाहून चाहते थक्क! VIDEO होतोय तुफान व्हायरल
पर्थ कसोटीत विराटच्या शतकानंतर भडकला माजी ऑस्ट्रेलिया कर्णधार! म्हणाला…
SMAT; टी20 क्रिकेटमध्ये नवा इतिहास, दिल्लीच्या नावावर अनोख्या विश्वविक्रमाची नोंद