क्रिकेटपटू त्यांच्या उत्तम खेळासाठी जसे चर्चेत असतात तसेच, त्यांच्या नवनवीन लूक्समुळे देखील चर्चेत येतात. देशातील लाखो चाहते आपल्या आवडत्या खेळाडूंना सोशल मीडियावर फॉलो करतात. युवा भारतीय सलामीवीर शुभमन गिलने आयपीएल २०२१ च्या दुसऱ्या टप्प्यापूर्वी आपला लूक बदललाय. त्यानंतर, भारताचा प्रमुख अष्टपैलू हार्दिक पंड्या याने आपल्या इंस्टाग्रामवरून नवीन हेअर स्टाईलची छायाचित्रे सार्वजनिक केली.
हार्दिकने मानले हेअर स्टायलिस्टचे आभार
नेहमी नवनवीन हेअर स्टाईल करण्यासाठी ओळखला जाणारा भारतीय संघाचा आक्रमक फलंदाज व अष्टपैलू हार्दिक पंड्या याने नुकत्याच आपल्या इंस्टाग्रामवरून काही छायाचित्रे शेअर केली. ज्यामध्ये तो नव्या लूकमध्ये दिसत आहे. या छायाचित्रांमध्ये त्याच्यासोबत हेअर स्टायलिस्ट आलिम हकिम दिसत आहे.
हार्दिकने कॅप्शनमध्ये लिहिले, ‘नेहमी सर्वोत्तम. धन्यवाद अलीम हकीम भाई.’ पंड्या सर्व छायाचित्रांमध्ये पोझ देताना दिसतोय. सोशल मीडियावर ही छायाचित्रे अपलोड झाल्यानंतर १८ लाखांहून अधिक लोकांनी त्याला लाईक केले आहे.
https://www.instagram.com/p/CSdtuKssmYQ/
चाहत्यांच्या आल्या मजेदार प्रतिक्रिया
अनेक चाहत्यांनी त्याच्या या नवीन लूकवर मजेदार प्रतिक्रिया दिल्या आहेत. एका वापरकर्त्याने लिहिले, ‘अरे भाऊ, मस्त’ दुसऱ्या चाहत्याने लिहिले, ‘ईस्ट या वेस्ट, हार्दिक इज द बेस्ट’ आणखी एका वापरकर्त्याने लिहिले, “किलर लुक. हार्दिकची पत्नी नताशा स्टॅन्कोविकने देखील त्याच्या नवीन लूकचे कौतुक केले. तिने आगीचे आणि हृदयाचे इमोजी लावले आहेत.
आयपीएलमध्ये खेळताना दिसेल हार्दिक
हार्दिक पंड्या शेवटच्या वेळी भारताच्या श्रीलंका दौऱ्यावर खेळताना दिसला होता. या दौऱ्यात त्याची कामगिरी निराशाजनक झाली होती. हार्दिक आता युएईमध्ये आयपीएल २०२१ च्या दुसऱ्या टप्प्यात मुंबई इंडियन्सकडून खेळताना दिसणार आहे. आयपीएल २०२१ चा उर्वरित हंगाम १९ सप्टेंबरपासून सुरु होईल.
महत्त्वाच्या बातम्या –
फाफ डू प्लेसिस ‘द हंड्रेड’मधून पडला बाहेर, नॉदर्न सुपरचार्जर्ससाठी लिहिली भावनिक पोस्ट
ऑक्टोबर महिन्यात इंग्लंड करणार ‘या’ देशाचा दौरा; टी२० विश्वचषकाची तयारी सुरू
डाव्या हाताने क्रिकेटमध्ये उजवी कामगिरी करणारे दिग्गज भारतीय खेळाडू, पाहा खास आकडेवारी
