महिला प्रीमियर लीगमधील दुसऱ्या हंगामात रॉयल चॅलेंजर्स बंगळुरूने पहिल्यांदाच विजेतेपदावर नाव कोरले आहे. तसेच वुमन्स संघाने आरसीबीचा तब्बल 17 वर्षांचा दुष्काळ संपवला म्हटलं तर वावगं ठरणार नाही. कारण मेन्स संघाला आतापर्यंतच्या 16 हंगामात एकदाही ट्रॉफी जिंकता आलेली नाही. मात्र वुमन्स संघाने दुसऱ्याच हंगामात ट्रॉफी जिंकत इतिहास रचला आहे. यानंतर आरसीबी संघाचा स्टार खेळाडू विराट कोहलीने सामना संपल्यावर थेट व्हिडीओ कॉलचा व्हिडीओ सध्या सोशल मीडियावर जोरदार व्हायरल होत आहे.
याबरोबरच रिचा घोष हिने चौकार मारत विजयावर शिक्कामोर्तब केल्यावर आरसीबीचे चाहते, ड्रेसिंग रूममधील खेळाडू सगळेच आनंदी असलेले पहायला मिळाले होते. तर सामना संपल्यावर विराट कोहलीनेही वुमन्स आरसीबी संघाची कॅप्टन स्मृती मंधानाला व्हिडीओ कॉल केला आहे.
https://twitter.com/kukreja_ravii/status/1769416061018116267
तसेच अंतिम सामन्यात प्रथम बॅटींग करताना दिल्ली कॅपिटल्स संघाचा डाव 113 धावांवर संपुष्टात आला होता. यावेळी दिल्ली संघाकडून शफाली वर्मा हिने सर्वाधिक 44 धावांची आक्रमक खेळी केली होती. तसेच आरसीबी संघाकडून सोफी मोलिनक्सने तीन विकेट आणि श्रेयांका पाटील हिने चार विकेट घेतल्या आहेत. यानंतर दिल्ली संघाच्या आव्हानाचा पाठलाग करताना आरसीबी संघाने 19 व्या ओव्हरमध्ये तिसऱ्या चेंडूवर विजयी चौकार मारत सामना जिंकत इतिहास रचला आहे. यामध्ये आरसीबीकडून स्मृती मंधाना हिने 31 धावा तर सोफी डिव्हाईन 32 धावा आणि एलिस पेरी नाबाद 35 धावा आणि रिचा घोष नाबाद 17 धावा केल्या आहेत.
दोन्ही संघांची प्लेइंग इलेव्हन –
रॉयल चॅलेंजर्स बंगळुरू महिला (प्लेइंग इलेव्हन): स्मृती मानधना (कर्णधार), सोफी डिव्हाईन, सभिनेनी मेघना, एलिस पेरी, रिचा घोष (विकेटकीपर), सोफी मोलिनक्स, जॉर्जिया वेरेहम, श्रेयंका पाटील, आशा शोभना, श्रद्धा पोखरकर, रेणुका ठाकूर सिंग.
दिल्ली कॅपिटल्स महिला (प्लेइंग इलेव्हन): मेग लॅनिंग (कर्णधार), शफाली वर्मा, ॲलिस कॅप्सी, जेमिमाह रॉड्रिग्स, मारिझान कॅप, जेस जोनासेन, राधा यादव, अरुंधती रेड्डी, तानिया भाटिया (विकेटकीपर), शिखा पांडे, मिन्नू मणी.
महत्वाच्या बातम्या –
- कप आला रे! RCB च्या पोरींनी करून दाखवलं, उचलली WPLची ट्रॉफी
- शेपींग चॅम्पियन्स फाऊंडेशन पुणे टेनिस स्पर्धेत सहा खेळाडूंचा मुख्य फेरीत प्रवेश
