“हार्दिकला संधी देऊन निवडकर्त्यांनी दया दाखवलेली”

मागच्या वर्षी खराब फॉर्मशी झगडत असतानाही हार्दिक पंड्याला टी२० विश्वचषकात (t20 world cup 2021) खेळण्याची संधी दिली गेली होती. विश्वचषक स्पर्धेत त्याला अपेक्षित प्रदर्शन करता आले नव्हते आणि यासंदर्भात बोलताना तो म्हणाला की, त्याला एका फलंदाजाच्या रूपात सामील केले होते. पण नंतर अष्टपैलू भूमिकेची अपेक्षा केली गेली. अशात आता विराट कोहलीचे लहानपणीचे प्रशिक्षक राजकुमार शर्मा (rajkumar sharma) हार्दिकच्या या वक्तव्यानंतर भडकले आहेत.

भारतीय संघाचा अष्टपैलू हार्दिक पंड्या (hardik pandya) मागच्या जवळपास दोन वर्षांपासून खराब फॉर्मशी झगडत आहे. तरीही त्याला मागच्या वर्षी आयीसीसी टी२० विश्वचषक खेळण्याची संधी दिली गेली होती. टी२० विश्वचषकात हार्दिक फिटनेसच्या कारणास्तव गोलंदाजी करू शकला नव्हता. अशात विराटने लहानपणीचे प्रशिक्षक राजकुमार शर्मा म्हणाले की, विश्वचषकासाठी निवडून हार्दिकवर निवडसमितीने दया दाखवली आहे. त्यांच्या मते, हार्दिकने अधिक ठोस कारण द्यायला पाहिजे होते. हार्दिकने दिलेल्या या मुलाखतीत त्याने विश्वचषक जिंकण्याची इच्छाही व्यक्त केली होती.