भारतीय संघ या वर्षाच्या अखेरीस होणाऱ्या वनडे विश्वचषक 2023 स्पर्धेच्या तयारीमध्ये व्यस्त आहे. मात्र, त्यापूर्वीच भारतीय संघातील काही खेळाडू लग्नबंधनात अडकण्यासाठी सज्ज झाले आहेत. न्यूझीलंड संघाविरुद्धच्या मालिकेची जेव्हा घोषणा झाली, तेव्हा त्यामध्ये केएल राहुल आणि अक्षर पटेल यांना कौटुंबिक कारणांमुळे संघाबाहेर ठेवण्यात आले. त्यानंतर राहुलच्या लग्नाच्या बातम्यांनी चांगलाच जोर पकडला आहे. अशात आता भारतीय संघाचा अष्टपैलू अक्षर पटेल याच्या लग्नाच्या चर्चाही रंगल्या आहेत.
अक्षर झाला 29 वर्षांचा
भारतीय संघाचा अष्टपैलू अक्षर पटेल (Axar Patel) हा 29 वर्षांचा झाला आहे. त्याने 20 जानेवारी रोजी त्याचा 29वा वाढदिवस साजरा केला. सध्या भारताच्या सर्वोत्तम खेळाडूंमध्ये अक्षरच्या नावाचाही समावेश केला जातो. तसेच, असे म्हटले जात आहे की, तो येत्या वनडे विश्वचषक 2023 (ODI World Cup 2023) स्पर्धेतही संघाचा भाग होईल.
मागील वर्षी केले होते प्रपोज
मागील वर्षी 20 जानेवारी रोजी वाढदिवशीच अक्षरने गर्लफ्रेंड मेहा पटेल (Meha Patel) हिला खास सरप्राईज दिले होते. तसेच, त्याने पार्टीच्या दिवशीच तिला प्रपोज केले होते. त्यानंतर कुटुंबीय आणि मित्रमंडळींच्या उपस्थितीत दोघांचा साखरपुडा पार पडला होता. तसेच, त्यांच्या लग्नाची तारीखही ठरवण्यात आली होती.
https://www.instagram.com/p/CY9bQuYt8Nh/?utm_source=ig_embed&ig_rid=0dc8710a-524e-47e2-ae3b-b66d1fe8fa46
सोशल मीडियावर झळकतेय जोडी
साखरपुडा झाल्यानंतर अक्षर त्याच्या होणाऱ्या पत्नीसोबतचे फोटो सोशल मीडियावर शेअर करत आहे. त्यांच्या चाहत्यांना त्यांची जोडी खूपच आवडली आहे. ते त्यांच्या फोटोंवर लाईक्स आणि कमेंट्सचाही पाऊस पाडत आहेत. त्यांचे अनेक फोटो सोशल मीडियावर व्हायरलदेखील झाले आहेत.
https://www.instagram.com/p/Cm174OYNiGx/
कधी होणार लग्न?
माध्यमांतील वृत्तांनुसार, अक्षर पटेल आणि मेहा पटेल (Axar Patel And Meha Patel) यांचे लग्न येत्या 26 जानेवारी रोजी होणार आहे. त्यांच्या लग्नाची लगबग 24 जानेवारीपासूनच सुरू होईल आणि पुढील 4 दिवस लग्नाच्या सर्व विधी पूर्ण केल्या जातील. त्यांचे लग्न वडोदराच्या जेड गार्डनमध्ये होणार असल्याची माहिती आहे. त्यांच्या लग्नाला काही क्रिकेटपटूही हजेरी लावणार असल्याचे बोलले जात आहे.
https://www.instagram.com/p/Cbj6MAnPKMR/
कोण आहे अक्षरची होणारी पत्नी मेहा पटेल?
अक्षर पटेलची होणारी पत्नी मेहा पटेल (Axar Patel Future Wife Meha Patel) ही एक पेशाने आहारतज्ज्ञ आहे. मेहाने मागील काही दिवसांपूर्वी अक्षरसोबतचे फोटो तिच्या इंस्टाग्राम अकाऊंटवर शेअर केले होते. मेहाने इंस्टा पोस्टमार्फत अनेक डाएट प्लॅनही शेअर केले आहेत. याव्यतिरिक्त डाएटशी संबंधित माहितीदेखील ती देत असते. मेहाला भटकंतीची आवड आहे. त्यासाठी ती वेगवेगळ्या ठिकाणी प्रवास करत फोटोही शेअर करत असते. (all rounder axar patel ready to marry after kl rahul wedding know his fiancee meha patel)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
भारत- न्यूझीलंडसाठी ‘करो वा मरो’ सामना, कोण कोणावर भारी? एका क्लिकवर घ्या जाणून
‘फक्त हे काम कर, मग जगावर राज्य करशील’, अनुभवी शमीचा ‘वेगाच्या बादशाह’ला मोलाचा सल्ला
