आंद्रे रसेलने दिली शाहरुख खानची पोज, शाहरुखकडून आला हा रिप्लाय; व्हिडिओने चाहत्यांची जिंकली मने

आंद्रे रसेल याने शाहरुख खानसमोर त्याची ‘आयकॉनिक’ पोज दिली, ज्यावर त्याला शाहरुखकडून अतिशय मजेशीर उत्तर मिळाले. सध्या आंतरराष्ट्रीय टी20 लीग खेळली जात आहे, ज्यामध्ये रसेल अबू धाबी नाइट रायडर्सकडून खेळत आहे. रसेल 2014 पासून आयपीएलमध्ये शाहरुख खानची टीम कोलकाता नाइट रायडर्सकडून खेळत आहे.

गेल्या रविवारी (14 जानेवारी) अबुधाबी नाईट रायडर्स आणि डेझर्ट वायपर्स यांच्यात आंतरराष्ट्रीय टी-20 मध्ये सामना झाला, त्यानंतर रसेल आणि शाहरुख खानचा एक अप्रतिम व्हिडिओ पाहायला मिळाला. हा सामना दुबईतील दुबई इंटरनॅशनल क्रिकेट स्टेडियमवर खेळला गेला, जो पाहण्यासाठी शाहरुख खान आला होता. अबुधाबीच्या सामन्यातील विजयानंतर शाहरुख खान आणि रसेलचा एक व्हिडिओ समोर आला आहे.

सोशल मीडियावर व्हायरल होत असलेल्या व्हिडिओमध्ये शाहरुख खान स्टँडवर बसलेला दिसत आहे. यादरम्यान शाहरुख हात उघडतो आणि रसेलला काही हावभाव करतो आणि नंतर थम्ब्स अप देतो. मग कॅमेरा रसेलच्या दिशेने जातो आणि रसेल शाहरुख खानची ‘आयकॉनिक’ पोझ करतो. रसेलची ही स्टाईल पाहून शाहरुख खूप खुश झाला आणि त्याला स्टँडवरून फ्लाइंग किस देतो. यानंतर शाहरुख हातवारे करून रसेलला त्याचे सिक्सपॅक दाखवण्यास सांगतो. व्हायरल झालेला व्हिडिओ चाहत्यांची मने जिंकण्यात कोणतीही कसर सोडत नाहीये.

Shah Rukh Khan’s team Abu Dhabi Knight Riders won the game today. Andre Russell doing SRK pose 🔥🥰
pic.twitter.com/r32f30Czz9

— Syed Irfan Ahmad (@Iam_SyedIrfan) January 21, 2024

डेझर्ट वायपर्स विरुद्ध खेळल्या गेलेल्या सामन्यात अबू धाबी नाईट रायडर्सने 6 विकेट्स राखून विजय मिळवला. या सामन्यात नाइट रायडर्सने नाणेफेक जिंकून गोलंदाजी करण्याचा निर्णय घेतला. प्रथम फलंदाजी करण्यासाठी आलेल्या डेझर्ट वायपर्स संघाने 20 षटकांत 8 बाद 164 धावा केल्या. ऍडम हॉसने संघासाठी 45 धावांची सर्वात मोठी खेळी खेळली, ज्यात 4 चौकार आणि 1 षटकाराचा समावेश होता.

त्यानंतर लक्ष्याचा पाठलाग करताना अबुधाबी नाइट रायडर्सने 17.4 षटकांत 4 विकेट्स राखून विजय मिळवला. संघासाठी, अँड्रिस गॉसने 50 चेंडूत 95* धावांची सर्वात मोठी खेळी खेळली, ज्यात 5 चौकार आणि 7 षटकारांचा समावेश होता. (Andre Russell gave Shahrukh Khan’s pose this reply came from Shahrukh; The video won the hearts of fans)

हेही वाचा

IND vs ENG: भारत-इंग्लंड कसोटी क्रिकेटच्या आकडेवारीवर एक नजर, सचिन तेंडुलकरचा मोठा विक्रम धोक्यात
भारताला विश्व चॅम्पियन बनवणारे शिलेदारच टीम इंडियाला नडणार, ‘या’ देशाकडून खेळणार टी20 विश्वचषक 2024