पाकिस्तान क्रिकेट बोर्डाचे मुख्य प्रशिक्षक मिस्बाह उल हक हे टी२० विश्वचषकानंतर त्यांच्या पदाचा राजीनामा देऊ शकतात. त्यानंतर झिम्बाब्वेचा माजी दिग्गज क्रिकेटपटू एँडी फ्लावर याला पीसीबीने मुख्य प्रशिक्षकाची जबाबदारी स्विकारण्यासाठी विचारले होते. मात्र एँडी फ्लावरने पीसीबीच्या या प्रस्तावाला नकार दिला आहे. मिस्बाहच्या मार्गदर्शनाखाली पाकिस्तान संघाचा नुकत्याच जुलैमध्ये इंग्लंडविरुद्ध झालेल्या तीन सामन्यांच्या टी२० मालिकेत १-२ असा पराभव झाला होता
असे म्हटले जात आहे की, सध्याचे पाकिस्तानचे मुख्य प्रशिक्षक मिस्बाह उल हकचे पाकिस्तान क्रिकेट बोर्डाशी चांगले संबंध नाहीत आणि पीसीबी त्यांच्याजागी कोणत्यातरी विदेशी प्रशिक्षकाची नियुक्ती करणार आहे. असे असले तरीही, आगामी टी२० विश्वचषकासाठी संघाचे प्रशिक्षकपद मिस्बाहकडेच आसणार आहे. त्यानंतर ते त्यांच्या पदाचा राजीनामा देऊ शकतात.
एँडी फ्लावरने एका दशकापेक्षा जास्त काळ झिम्बाब्वे संघासोबत क्रिकेट खेळले आहे. त्याने त्याच्या संपूर्ण आंतरराष्ट्रीय कारकिर्दीत ६३ कसोटी आणि २१३ एकदिवसीय सामने खेळले आहेत. त्याने खेळलेल्या एकदिवसीय सामन्यांत एकूण ६७८६ धावा केल्या असून कसोटीमध्ये ५१.५५ च्या सरासरीने ४७९४ धावा केल्या आहेत. त्याच्या आंतरराष्ट्रीय कारकिर्दीत त्याने एकूण १६ शतके केली आहेत.
महत्त्वाच्या बातम्या-
ओमानविरुद्ध जयस्वालची ‘यशस्वी’ खेळी; मुंबईने ४ विकेट्सने जिंकला पहिला वनडे सामना
ओव्हल कसोटीत अश्विन आणि शार्दुलचे पुनरागमन? ‘अशी’ असू शकते भारताची संभाव्य प्लेइंग ११
