आयपीएल 2023 हंगामाची चाहते मोठ्या काळापासून प्रतीक्षेत होते. 31 मार्च रोजी अखेर चाहत्यांची ही प्रतीक्षा संपली. हंगामातील पहिल्याच सामन्यात चाहत्यांमध्ये प्रचंड उत्साह दिसून येत आहे. यावर्षी आयपीएलमध्ये काही नवीन नियमांचा समावेश केला गेला आहे. एकूण चार संघ नवीन कर्णधारांच्या नेतृत्वात यावर्षी खेळत आहे. विशेष म्हणजे या चारही नवीन कर्णधारांना चालू आयपीएल हंगामात अपेक्षित प्रदर्शन करता आले नाहीये.
आयपीएल 2023 (IPL 2023) च्या पहिल्या 26सामन्यानंतकर राजस्थान रॉयल्स आणि लखनऊ सुपर जायंट्स या दोन संघांची कामगिरी सर्वोत्तम राहिली आहे. तर दुसरीकडे दिल्ली कॅपिटल्स संघाने चाहत्यांची चांगलीच निराशा केली आहे. हंगामात ज्या संघांनी कर्णधारपद नवीन खेळाडूच्या हातात सोपवले, त्या संघांची कामगिरी सुमार पाहायला मिळाली. आपण या लेखात चार संघांच्या प्रदर्शनावर नजर टाकणार आहोत, जे नवीन कर्णधाराच्या नेतृत्वात खेळत आहेत.
1. ऍडेन मार्कराम –
नवीन कर्णधारांच्या यादीत पहिले नाव सनरायझर्स हैदराबादचा नवा कर्णधार ऍडेन मार्कराम (Aiden Markram) आहे. मार्करमने एकूण 5 सामन्यांपैकी 2 आपल्या नावावरती केले असून 3 सामने गमावले आहेत. मार्करामच्या अनुपस्थितीमध्ये भुवनेश्वर कुमारने राजस्थान रॉयल्सविरुद्धच्या पहिल्या सामन्यात संघाचे नेतृत्व होते आणि संघाला 72 धावांनी विजय मिळवून दिला होता. यानंतर मार्करामच्या नेतृत्वाखाली सनरायझर्स हैदराबादला केकेआरविरुद्ध 23 धावांनी विजय आपल्या नावावर केला होता. गुणतालिकेत हैदराबाद संघ सद्या 9व्या क्रमांकावर आहे.
2. डेव्हिड वॉर्नर –
2023 च्या नवीन कर्णधार यादीमध्ये दुसऱ्या क्रमांकावर दिल्ली कॅपिटल्सचा नवा कर्णधार डेव्हिड वॉर्नर (David Warner) आहे. नियमित कर्णधार रिषभ पंतच्या अनुपस्थितीत संघाचे कर्णधारपद वॉर्नरकडे सोपवण्यात आले आहे. वॉर्नरच्या नेतृत्वाखाली दिल्ली कॅपिटल्सला आतापर्यंत झालेल्या एकूण सामन्यात एकदाही विजयची चव चाखता आलेली नाही. हंगामातील सुरुवातीच्या पाचही सामन्यात दिल्ली कॅपिटल्स संघ पराभूत झाला आहे. गुणतालिकेत वॉर्नरचा दिल्ली कॅपिटल्स संघ तळात म्हणजेच 10व्या क्रमांकावर आहेत
3. नितीश राणा –
यादीमध्ये तिसऱ्या क्रमांकावरती KKR संघाचा नवीन कर्णधार नितीश राणा (Nitish Rana) याचे नाव आहे. केकेआरचा नियमित कर्णधार श्रेयस अय्यर याच्या अनुपस्थितीमध्ये संघाची धुरा राणाच्या हाती सोपवण्यात आली आहे. राणाच्या नेतृत्वात केकेआरने चालू आयपीएल हंगामात आतापर्यंत 5 सामने खेळले असून त्यातील 2 सामन्यांमध्ये विजय मिळवला आहे. 3 सामन्यात केकेआरला परभवाचे तोंड पाहावे लागले. असे असले तरी, फलंदाजाच्या रूपात नितीश राणा चमकला. त्याने आतापर्यंत 150 धावा केल्या आहेत.
4. शिखर धवन –
या यादीमध्ये शेवटच्या क्रमांकावरती आहे पंजाब किंग्जचा नवा कर्णधार शिखर धवन (Shikhar Dhawan). आयपीएलच्या चालू हंगामात पंजाब किंग्जने मयंक अग्रवालच्या जागी कर्णधार म्हणून धवनला जबाबदारी सोपवली आहे. दरम्यान, हंगामातील पहिल्या चार सामन्यात धबनने एकूण 233 धावा केल्या आहेत. तर शेवटच्या दोन सामन्यात धवन खेळू शकला नाहीये. (appointing new captains in IPL 2023, a big mistake of These’ teams! See statistics)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
इंटेलिजंट आण्णा! अश्विनला आधीच माहित होते राजस्थान होणार 10 धावांनी पराभूत, वाचा सविस्तर
कॅप्टन्सी सोडल्यानंतर 566 दिवसांनी विराट पुन्हा बनला कर्णधार, ‘या’ कारणामुळे सांभाळली संघाची धुरा
