आशिया कप 2025 मध्ये भारताने शानदार कामगिरी केली आणि विजेतेपदही जिंकले. पण भारतीय संघाला आशियाई क्रिकेट काउन्सिलच्या अध्यक्ष मोहसिन नकवीकडून ट्रॉफी मिळाली नाही. भारतीय खेळाडूंनी नकवीकडून ट्रॉफी घेण्यास नकार दिला होता. यानंतर नकवी ट्रॉफी घेऊन मैदानातून बाहेर निघून गेले होते. आशिया कप 2025 चा अंतिम सामना भारत आणि पाकिस्तान यांच्यात (28 सप्टेंबर) रोजी झाला होता. स्पर्धा संपून सुमारे 20 दिवस झाले आहेत, तरीही भारताला या सत्रातील ट्रॉफी अद्याप मिळालेली नाही.
भारतीय संघाने फाइनलमध्ये पाकिस्तानला पराजित केल्यानंतर मोहसिन नकवीचा बहिष्कार केला आणि त्यांच्याकडून ट्रॉफी घेतली नाही. यानंतर मोहसिन नकवींनी ट्रॉफी आशियाई क्रिकेट काउन्सिलच्या कार्यालयात ठेवली. क्रिकबझच्या माहितीनुसार, मोहसिन नकवींनी एसीसीच्या कर्मचाऱ्यांना आदेश दिले आहेत की त्यांची परवानगी न घेतल्याशिवाय ट्रॉफी कार्यालयाबाहेर नेऊ नये.
(30 सप्टेंबर) रोजी दुबईत झालेल्या एसीसीच्या वार्षिक सर्वसाधारण बैठकीत (एजीएम) हे ठरले की एसीसीअंतर्गत येणारे पाच कसोटी खेळणारे देश म्हणजेच भारत, पाकिस्तान, श्रीलंका, बांग्लादेश आणि अफगाणिस्तान, या वादाच्या मुद्यावर चर्चा करून काही निष्कर्षावर पोहोचतील. ही बैठक पुढील महिन्याच्या सुरुवातीला होऊ शकते. मात्र, याची खात्री नाही की मोहसिन या बैठकीत सहभागी होतील की नाही. त्यांनी वार्षिक सर्वसाधारण बैठकीतही सहभाग घेतला नव्हता. आगामी बैठकीत स्पष्ट होईल की ट्रॉफी भारताला कधी आणि कशी मिळेल. सध्या बीसीसीआयने ट्रॉफीबाबत कोणताही मोठी अपडेट दिलेली नाही.
