कोरोनाच्या वाढत्या प्रादुर्भावादरम्यान क्रिकेट ऑस्ट्रेलियाचे पहिल्या ‘डे- नाईट’ टेस्टबाबत मोठे वक्तव्य

भारत आणि ऑस्ट्रेलिया यांच्यातील 4 सामन्यांच्या कसोटी मालिका 17 डिसेंबरपासून ऍडलेड येथे खेळवली जाणार आहे. बॉर्डर-गावस्कर ट्रॉफी अंतर्गत खेळल्या जाणार्‍या मालिकेची पहिली कसोटी गुलाबी चेंडूने खेळली जाईल, जी दिवस-रात्र कसोटी असेल. ऍडलेडमध्ये सोमवारी (१६ नोव्हेंबर) कोरोना साथीच्या सर्व प्रकारानंतर ऑस्ट्रेलियाचा कर्णधार टिम पेन याच्यासह काही खेळाडूंना क्वारंटाईन व्हावे लागले. पण क्रिकेट ऑस्ट्रेलियाने म्हटले आहे की पहिली कसोटी ही निर्धारित वेळापत्रकानुसारच होईल.

14 दिवसांचा क्वारंटाईन कालावधी
ऍडलेडमध्ये कोरोनाव्हायरस जंतुसंसर्ग झाल्याच्या अनेक घटनांनंतर आणि सोमवारी दुपारी ऍडलेडहून आलेल्या प्रत्येकासाठी पश्चिम ऑस्ट्रेलिया, टास्मानिया, उत्तर प्रांत आणि दक्षिण ऑस्ट्रेलियाने आपल्या सीमा बंद केल्या आहेत. सोमवारी दुपारी 11 वाजून 59 मिनिटांपासून ऍडलेडहून येणाऱ्या प्रत्येकासाठी 14 दिवसांचा क्वारंटाईन कालावधी लागू केला आहे.

पहिल्या दिवस-रात्र कसोटीचा संदर्भ देताना ‘सिडनी मॉर्निंग हेराल्डने’ क्रिकेट ऑस्ट्रेलिया प्रवक्त्याचा हवाला देऊन म्हटले आहे की, “लक्ष दिले जात आहे. पण गोष्ट इथेच संपत आहे.” रविवारी संसर्ग होण्याचे प्रमाण ४ होते पण सोमवारी हा आकडा 17 पर्यंत पोहोचला होता.

शंका उपस्थित करण्याचे कारण नाही
ऑस्ट्रेलियाच्या क्रिकेट हंगामात या प्रकरणांचा परिणाम होऊ शकतो, परंतु पुढील महिन्यात ऍडलेड ओव्हल येथे भारताविरुद्ध होणार्‍या कसोटी मालिकेच्या पहिल्या दिवस-रात्र कसोटी सामन्याच्या आयोजनाबद्दल शंका उपस्थित करण्याचे कोणतेही कारण नाही, असे क्रिकेट ऑस्ट्रेलियाने म्हटले आहे.

ऑस्ट्रेलियातील वृत्तपत्राने असे म्हटले आहे की, क्रिकेट बोर्ड संक्रमणाच्या निकालावर लक्ष ठेवून आहे आणि त्यांचे अधिकारी ऍडलेडमध्ये धोरण राबविणाऱ्या अव्वल लोकांच्या संपर्कात आहेत.

टास्मानियाच्या आरोग्य अधिकाऱ्यांनी दक्षिण ऑस्ट्रेलियातून येणाऱ्या लोकांना नोव्हेंबरपासूनच क्वारंटाईन केले आहे. याचा अर्थ टीम पेन, मॅथ्यू वेड आणि टास्मानिया संघातील सहकारी देखील एकांतातच राहतील. दक्षिण ऑस्ट्रेलियामध्ये टास्मानियाने शेफील्ड शिल्ड सामन्यांची सलामीची फेरी खेळली होती.

क्रिकेट टास्मानियाच्या प्रवक्त्याने सांगितले की, “टास्मानिया टायगर्स शेफील्ड शिल्ड संघ क्वारंटाईनमधून जात आहे आणि आम्ही सार्वजनिक आरोग्य अधिकाऱ्यांच्या पुढील सल्ल्याची वाट पाहत आहोत. आज खेळाडू व कर्मचार्‍यांची चाचणी घेण्यात येणार आहे.”

महत्त्वाच्या बातम्या-

ऑस्ट्रेलियाचा ‘हा’ पठ्ठ्या भारताविरुद्ध कोणत्याही क्रमांकावर खेळण्यास तयार

‘असे’ ठरणार कसोटी चॅम्पियनशीपमधील अव्वल दोन संघ; भारतासाठी वाट कठीण

“विराट जागतिक क्रिकेटमधील सामर्थ्यवान खेळाडू”, ऑस्ट्रेलियाच्या माजी दिग्गजाचे वक्तव्य

ट्रेंडिंग लेख-

‘डेमियन फ्लेमिंग’… पहाट स्वप्न सत्यात उतरलेले पाहिलेला ऑसींचा एकमेव गोलंदाज

‘जिनीयस’ हेमांग बदानीची पुण्यातील ‘ती’ अद्वितीय खेळी

सचिनची ‘ती’ खेळी कधीच विसरली जाणार नाही