आनंद महिंद्रा, अक्षर पटेल आणि गॉगल! महिंद्रांच्या ‘त्या’ पोस्टवर पटेलची खास कमेंट

प्रसिद्ध भारतीय उद्योगपती आनंद महिंद्रा हे क्रीडाप्रेमी आहेत हे सातत्याने स्पष्ट होत असते. कोणताही खेळ असो ते ट्विटरच्या माध्यमातून विजयी संघाचे अथवा खेळाडूंचे कौतुक करत असतात. मागील काही दिवसांपासून आनंद महिंद्रा हे भारतीय अष्टपैलू अक्षर पटेलच्या गॉगलचे कौतुक केल्यापासून चर्चेत आहेत. त्यांनी स्वतःचा अक्षरसारखा गॉगल घालून छायाचित्र प्रसिद्ध केले होते. आता, छायाचित्र पाहून अक्षर पटेलने आपली प्रतिक्रिया दिली आहे.

केले होते अक्षरचे कौतुक
भारतीय संघाचा युवा अष्टपैलू अक्षर पटेल याने इंग्लंडविरुद्धच्या कसोटी मालिकेत २८ बळी मिळवत सर्वांची वाहवा मिळवली होती. सोबतच आनंद महिंद्रा यांनी अक्षरने वापरलेल्या गॉगलचे कौतुक केले होते. तसेच, आपणालाही असे गॉगल हवे आहेत असे ट्विट त्यांनी केलेले. त्यानंतर, या गॉगलचे उत्पादक असलेल्या कंपनीने महिंद्रा यांना ते गॉगल भेट दिले होते.

त्या गॉगलचे छायाचित्र शेअर करत त्यांनी म्हटले होते की, ‘भारतीय संघाने टी२० मालिका जिंकली तर मी हे गॉगल घालून छायाचित्र काढेल.’ भारतीय संघाने इंग्लंडला ३-२ अशा फरकाने टी२० मालिकेत पराभूत केल्यानंतर त्यांनी गॉगल घालून छायाचित्र काढत, ट्विटरवर पोस्ट करून, मी माझा शब्द पाळला असे म्हटले होते.

OK, have to fulfill a commitment. Here’s the promised selfie with my “Axar” shades…My new good luck charm that’s proven its worth…😊 pic.twitter.com/VdLSMCNkrs

— anand mahindra (@anandmahindra) March 21, 2021

अक्षरने दिली अशी प्रतिक्रिया
आनंद महिंद्रा हे ज्या अक्षर पटेलमुळे असा गॉगल घालण्यासाठी प्रोत्साहित झाले होते त्या अक्षरने देखील आनंद महिंद्रा यांचे ट्विट रिट्विट करून प्रतिक्रिया दिली आहे. अक्षरने लिहिले, ‘तुम्ही या शेड्समध्ये (गॉगल) खूप कूल दिसत आहात. पाठिंबा देण्यासाठी खूप खूप धन्यवाद.’

The shades look really cool on you, Sir. Thank you so much for the support 🙏🏻 https://t.co/jkbBk9BwWi

— Akshar Patel (@akshar2026) March 22, 2021

अक्षरने गाजवली होती कसोटी मालिका
भारतासाठी अक्षर पटेल हे इंग्लंडविरुद्धच्या मालिकेतून कसोटी पदार्पण केले. त्याने मालिकेत फक्त तीन सामने खेळताना २८ बळींची नोंद केली. त्यानंतर, टी२० संघातही त्याला निवडले गेले होते. मात्र, पहिल्या सामन्यात महागडा ठरल्यानंतर त्याला पुन्हा संधी मिळाली नाही.

महत्त्वाच्या बातम्या – 

पदार्पणात अर्धशतक केल्यानंतर ढसाढसा रडणाऱ्या कृणालला मिळाला हार्दिकचा आधार, पाहा व्हिडिओ

कोहलीला म्हंटले होते गर्विष्ठ तर धोनीला कलंक; इंग्लंडचा ‘हा’ खेळाडू जुन्या ट्विटवरून होतोय ट्रोल

पदार्पणाच्या सामन्यातच कृणालचा विश्वविक्रम! ‘असा’ कारनामा करणारा बनला पहिलाच क्रिकेटर