भारताचे दिग्गज खेळाडू रोहित शर्मा (Rohit Sharma) आणि विराट कोहली (Virat Kohli) क्रिकेटमधील हे असे खेळाडू आहेत, ज्यांनी क्रिकेट विश्वावर अधिराज्य गाजवलं आहे. दोन्ही दिग्गजांनी टी20 विश्वचषक जिंकल्यानंतर टी20 आंतरराष्ट्रीय क्रिकेटमधून निवृत्ती जाहीर केली. पण पाकिस्तानचा कर्णधार बाबर आझमनं (Babar Azam) आवडता खेळाडू कोण विचारल्यावर या दोन्ही दिग्गज खेळाडूंकडे दुर्लक्ष केलं.
दक्षिण आफ्रिकेचा माजी दिग्गज फलंदाज एबी डिव्हिलियर्सनं (AB de Villiers) बाबर आझमकडून (Babar) जागतिक क्रिकेटमधील त्याचा आवडता खेळाडू जाणून घेण्याचा प्रयत्न केला. बाबरनं उत्तर देताना डिव्हिलियर्सचं नाव घेतलं. बाबरनं सध्याच्या खेळाडूंपैकी कोणाचीही निवड केली नाही. पण डिव्हिलियर्सनं त्याला दुसऱ्या आवडत्या खेळाडूचं नाव विचारलं. पुन्हा बाबर आझम (Babar Azam) डिव्हिलियर्सच्याच नावावर ठाम राहिला.
एबी डिव्हिलियर्सनं त्याच्या आंतरराष्ट्रीय कारकिर्दीमध्ये 114 कसोटी सामने खेळले. त्यामध्ये त्यानं 50.66च्या सरासरीनं 8,765 धावा ठोकल्या. यादरम्यान त्यानं 46 अर्धशतक तर 22 शतक ठोकले. कसोटी क्रिकेटमध्ये त्याची सर्वोच्च धावसंख्या नाबाद 278 धावा आहे. कसोटीमध्ये त्यानं 1,024 चौकार आणि 64 षटकार ठोकले आहेत.
228 आंतरराष्ट्रीय एकदिवसीय सामन्यात त्यानं 101.09च्या स्ट्राईक रेटनं फलंदाजी करत 9,577 धावा ठोकल्या आहेत. यादरम्यान त्याची सर्वोच्च धावसंख्या 176 राहिली आहे. एकदिवसीय क्रिकेटमध्ये त्याच्या नावावर 53 अर्धशतक आणि 25 शतक आहेत. टी20 आंतरराष्ट्रीय क्रिकेटमध्ये डिव्हिलियर्सनं 78 सामने खेळले. त्यामध्ये त्यानं 1,672 धावा केल्या. आंतरराष्ट्रीय क्रिकेटमध्ये त्याच्या नावावर 10 अर्धशतक आहेत.
महत्त्वाच्या बातम्या-
पदार्पणाच्या सामन्यात ‘या’ वेगवान गोलंदाजाची ‘न भूतो न भविष्यती’ कामगिरी; केला खास विश्वविक्रम
मुंबई विमानतळावर हार्दिक पांड्याने कुणाला मारली घट्ट मिठी? व्हिडिओ तुफान व्हायरल
“त्यानं लवकर माफी मागावी” ब्रायन लारावर भडकला विव्ह रिचर्ड्स