वाढदिवस विशेष: भारताची स्टार कुस्तीपटू बबीता फोगटबद्दल खास ५ गोष्टी घ्या जाणून

भारताची स्टार कुस्तीपटू बबीता फोगट आज(२० नोव्हेंबर) ३१ वा वाढदिवस साजरा करत आहे. हरियाणातील एका गावातून आलेल्या बबीताने तिच्या वडीलांच्या मार्गदर्शानाखाली आजपर्यंतच्या कारकिर्दीत यशाची अनेक मोठी शिखरे गाठली आहेत. तिचे राष्ट्रीय तसेच जागतिक स्थरावरही अनेक पदकांची कामाई करत देशाचा सन्मान वाढवला आहे.

तिच्या वाढदिवसानिमित्त तिच्याबद्दलच्या काही खास गोष्टी जाणून घेऊ –

-बबीताचा जन्म २० नोव्हेंबर १९८९ ला हरियाणातील भीवनी गावात झाला. तिला गीता ही मोठी बहिण आणि रितू व संगीता या दोन लहान बहिणी आहेत. विशेष म्हणजे बबीतासह तिच्या सर्व बहिणी कुस्तीपटू आहेत.

-तिचे वडील महावीर सिंग फोगट हे देखील कुस्तीपटू होते. पण त्यांना मोठ्या स्थरावर कुस्ती खेळता न आल्याने त्यांच्या त्यांच्या मुलींना कुस्तीपटू बनवण्याचे ठरवले. त्यामुळे त्यांनीच बबीता आणि तिची मोठी बहिण गीता यांना लहानपणी प्रशिक्षण द्यायला सुरुवात केली. त्यांच्यानंतर त्यांनी रितू आणि संगीता या दोघींनाही कुस्तीचे धडे दिले. मुली कुस्ती खेळतात म्हणून अनेकदा त्यांच्या कुटुंबाला अपमानही सहन करावा लागला. पण या सर्व अडचणींवर मात करत फोगट बहिणींनी यश मिळवले.

-बबीताला मॅटवरील कुस्तीमध्ये पहिले मोठे यश २००९ च्या राष्ट्रकुल चॅम्पियनशीप स्पर्धेत मिळाले. तिने ५१ किलो वजनी गटात फ्रिस्टाईलमध्ये सुवर्णपदकाची कमाई केली होती.

-२००९ च्या यशानंतर बबीताने २०१० च्या राष्ट्रकुल स्पर्धेत रौप्य पदकाची कमाई केली. तर २०१४ च्या राष्ट्रकुल स्पर्धेत तिला सुवर्णपद मिळाले. २०१८ च्या राष्ट्रकुल स्पर्धेत तिने पुन्हा रौप्यपदक मिळाले. याव्यतिरिक्त तिने २०११ च्या राष्ट्रकुल चॅम्पियनशीपमध्येही सुवर्णपदक मिळवले होते. तर २०१२ ला तिने विश्व कुस्ती चॅम्पियनशीपमध्ये कांस्य पदक मिळवले. त्याचबरोबर २०१३ ला दिल्ली येते झालेल्या एशियन चॅम्पियनशीपमध्ये तिने कांस्यपदक मिळवले.

-२०१६ मध्ये तीच्यावर आणि तिची मोठी बहिण गीतावर आधारित दंगल हा चरित्रपटही आला होता. या चित्रपट मोठ्याप्रमाणात लोकप्रियही झाला.

-तिने सन २०१९ ला विविके सुहागशी लग्न केले. विवेक हा देखील कुस्तीपटू आहे.

-सन २०१९ मध्ये ‘नच बलिये’ या दुरदर्शनवरील रिऍलिटी शोमध्येही बबीता आणि विवेक सहभागी झाले होते.

-बबीताने कुस्तीपाठोपाठ सन २०१९ ला राजकरणातही पाऊल टाकले होते. तीने भारतीय जनता पक्षात प्रवेश करत ऑगस्ट २०१९ मध्ये दादरी येथून विधानसभा निवडणूकही लढली होती. मात्र तिला पराभवाचा सामना करावा लागला.

-बबीताला २०१५ मध्ये अर्जून पुरस्काराने गौरविण्यात आले आहे. तर तिचे वडील महावीरसिंग फोगट यांना २०१६ मध्ये द्रोणाचार्य पुरस्काराने गौरविण्यात आले होते.

महत्त्वाच्या बातम्या –

…म्हणून दोनवेळचा ऑलिंपिक पदक विजेता सुशील कुमार सोडणार होता मॅटवरील कुस्ती

बजरंग पुनिया व्यतिरिक्त अन्य कुस्तीपटूंना मिळाली दिवाळीची सुट्टी

…म्हणून बजरंग पुनिया आणि संगिता फोगटचे होणार नाही धुमधडाक्यात लग्न