भारतीय क्रिकेट संघात अनेक सुपरस्टार खेळाडू आहेत, ज्यांचे भारतासह जगभरात लाखो चाहते आहेत. विराट कोहली, हार्दिक पांड्या आणि रोहित शर्मा यांची सोशल मीडिया फॅन फॉलोअर्स खूपच जबरदस्त आहे. पण एकदा बॉलिवूड अभिनेत्री दिशा पटानीने कोहली किंवा रोहितवर नव्हे तर जसप्रीत बुमराहवर मोठे वक्तव्य केले होते. जरी बुमराह खूप शांत व्यक्ती आहे, तो बहुतेकदा स्पॉटलाइटपासून दूर राहतो, परंतु याचा कधीच त्याच्या फॅन फॉलोइंगवर परिणाम होत नाही.
वास्तविक, ही बाब 2020 सालची आहे, जेव्हा भारतीय संघ न्यूझीलंड दौऱ्यावर गेला होता. त्यावेळी बॉलिवूड अभिनेत्री दिशा पटानी तिच्या ‘मालन’ चित्रपटाच्या प्रमोशनच्या उद्देशाने सामना पाहण्यासाठी आली होती. त्यावेळी दिशाला भारतीय संघातील सर्वात मोठा मॅचविनर कोण असा प्रश्न विचारण्यात आला. यावर तिने जसप्रीत बुमराहचे नाव घेतले होते. दिशा पटानी म्हणाली, “मला सामना विजेता निवडायचा असेल तर मी जसप्रीत बुमराहचे नाव घेईन. बुमराह आपल्या संघातील सर्वोत्तम खेळाडूंपैकी एक आहे.”
जसप्रीत बुमराह शेवटचा टी20 विश्वचषक 2024 दरम्यान खेळताना दिसला होता. त्यानंतर तो ब्रेकवर गेला आणि अजूनही विश्रांती घेत आहे. तर यंदांच्या विश्वचषकात जसप्रीत बुमराहने भारताच्या यशात महत्तवाची भूमिका बजावली होती. दरम्यान त्याला टी20 विश्वचषक 2024 मध्ये त्याला मालिकावीर पुरस्कार ही देण्यात आले होते.
टी20 विश्वचषकाच्या यशानंतर भारतीय संघ झिम्बाब्वे दौऱ्यावर गेला असून, श्रीलंकेविरुद्ध नुकत्याच संपलेल्या मालिकेतही बुमराह खेळला नाही. आता खरं तर बांग्लादेशचा संघ सप्टेंबर महिन्यात भारत दौऱ्यावर येणार आहे, ज्यामध्ये दोन्ही संघांमध्ये 2 कसोटी आणि 3 टी20 सामने खेळवले जाणार आहेत. कसोटी मालिकेत केवळ जसप्रीत बुमराहच नाही तर मोहम्मद शमीही प्रदीर्घ कालावधीनंतर संघात पुनरागमन करू शकतो, अशी अटकळ बांधली जात आहे.
हेही वाचा-
एकही सुवर्णपदक नाही! पॅरिस ऑलिम्पिकमधील भारताचा प्रवास संपला; एकूण कामगिरी निराशाजनकच
6 6 6 6 6.., अफगाणिस्तानच्या स्टार गोलंदाजाला कायरन पोलर्डने धो धो धुतले; पाहा VIDEO
टीम इंडियातून बाहेर असलेल्या या खेळाडूचे पुनरागमन जवळपास अशक्यच, आता निवृत्ती हा एकमेव उपाय!
