मर्यादित षटकांच्या क्रिकेटमध्ये वनडे असो वा टी२०, कोणताही कर्णधार त्याच्या संघातील कंजूस गोलंदाजांवरच जास्त खूश असतो. या गोलंदाजांची कंजूसी ही सामन्यात कमी धावा देण्यात आणि निर्धाव चेंडू टाकण्यात असते.
कोणताही गोलंदाज जेवढे जास्त निर्धाव चेंडू टाकतो, तेवढाच समोरच्या संघावर रनरेट कायम ठेवायचा दबाव वाढत असतो.याचा परिणाम असा होतो की, फलंदाज पटापट मोठ्या धावा करायचा प्रयत्न करतात आणि अनेकदा आपली विकेट गमावून बसतात.
जाणून घेऊयात, अशाच काही कर्तबगार गोलंदाजांविषयी ज्यांनी टी२० क्रिकेटमध्ये निर्धाव चेंडू टाकण्याचं कठीण काम केलं आहे. Bowlers who bowled most dot balls in t20 cricket.
आंतरराष्ट्रीय टी२०त सर्वाधिक निर्धाव षटके टाकणारे गोलंदाज –
आंतरराष्ट्रीय टी२० क्रिकेटमध्ये जगातील कोणताही फलंदाज भारताचा यॉर्कर किंग जसप्रीत बुमराहच्या गोलंदाजीवर खेळायला घाबरतो. कारण, बुमराहच्या नावावर आंतरराष्ट्रीय टी२० क्रिकेटमध्ये सर्वाधिक निर्धाव षटके टाकण्याच्या विक्रमाची नोंद आहे. बुमराहने आतापर्यंत ७ निर्धाव षटके टाकली आहेत.
बुमराहनंतर या यादीत नाव येते श्रीलंकाच्या नुवान कुलसेकराचे. त्याने त्याच्या टी२० कारकिर्दीत ६ निर्धाव षटके टाकली आहेत. तर, तिसऱ्या क्रमांकावर भारताचा हरभजन सिंग, आयर्लंडचा ट्रेंट जॉन्सटन, श्रीलंकेचा अजंथा मेंडिस, पाकिस्तानचा मोहम्मद आमिर, अफगानिस्तानचा मोहम्मद नबी आणि युएईचा मोहम्मद नवीद आणि सुल्तान अहमद हे आहेत. या सर्व गोलंदाजांनी त्यांच्या टी२० कारकिर्दीत प्रत्येकी ५ निर्धाव षटके टाकली आहेत.
आयपीएलमध्ये सर्वाधिक निर्धाव चेंडू टाकणारे गोलंदाज –
इंडियन प्रिमीयर लीग म्हणजेच आयपीएलमध्ये सर्वाधिक निर्धाव चेंडू टाकणारा गोलंदाज हा भारताचा फिरकीपटू हरभजन सिंग आहे. त्याने आपल्या आयपीएल कारकिर्दीत ५६२.२ षटके गोलंदाजी करत एकूण १२४९ निर्धाव चेंडू टाकले आहेत. त्याच्यानंतर या यादीत श्रीलंकाचा यॉर्कर किंग लसिथ मलिंगाचे नाव येते. मलिंगाने ४७१.१ षटकात ११५५ चेंडू टाकले आहेत.
तर, भुवनेश्वर कुमार ११२४ निर्धाव चेंडूंसह तिसऱ्या, अमित मिश्रा ११११ निर्धाव चेंडूंसह चौथ्या आणि पियूष चावला ११०९ निर्धाव चेंडूंसह पाचव्या क्रमांकावर आहे.
आयपीएलच्या एका सामन्यात सर्वाधिक निर्धाव चेंडू टाकणारे गोलंदाज –
आयपीएलच्या एका सामन्यात सर्वाधिक डॉट बॉल टाकण्याचा विक्रम चेन्नई सुपर किंग्सचा वेगवान गोलंदाज दिपक चहरच्या नावावर आहे. त्याने २०१९ला चेन्नईच्या एमए चिंदबरम स्टेडियमवरील श्रीलंकाविरुद्धच्या सामन्यात २० निर्धाव चेंडू टाकले होते. यासह त्याने १० वर्ष जुना १९ निर्धाव चेंडू टाकण्याचा विक्रम मोडला होता. २००९ला दक्षिण आफ्रिकेत झालेल्या आयपीएलमध्ये आशिष नेहरा, मुनाफ पटेल आणि फिडेल एडवर्ड्स यांनी हा विक्रम वेगवेगळ्या सामन्यात केला होता.
ट्रेंडिंग घडामोडी-
रवी शास्त्री अडकले अलिबागमध्ये, आता घेणार बीअरचा आनंद
जीवनातील या ८ महत्त्वाच्या गोष्टी, ज्या धोनीकडून आहेत शिकण्यासारख्या
धोनीने कुत्र्याकडून करुन घेतला कॅचचा जोरदार सराव, साक्षी मात्र या…