जसप्रीत बुमराह विरुद्ध शाहीन आफ्रिदी, आशिया कपमध्ये अधिक विकेट कोणाच्या नावावर?

आशिया कप 2025 (Asia Cup 2025) मध्ये भारतीय गोलंदाज जसप्रीत बुमराह (Jasprit Bumrah) आणि पाकिस्तानी गोलंदाज शाहीन अफ्रीदी (Shaheen Afridi) यांच्याकडे चाहत्यांच्या नजरा खिळल्या असतील. दोघेही आपल्या वेगवान गोलंदाजीने प्रतिस्पर्ध्यांवर कहर करू शकतात. आधुनिक काळातील सर्वोत्तम वेगवान गोलंदाजांमध्ये या दोघांची गणना होते. दोघांनीही आपल्या देशासाठी उत्कृष्ट कामगिरी केली आहे.

शाहीन अफ्रीदीच्या पदार्पणानंतर काही दिग्गजांनी त्याची तुलना बुमराहशी केली होती. पण गेल्या काही वर्षांत बुमराहने अनेक विक्रम आपल्या नावे केले, तर दुसरीकडे शाहीनला फॉर्मशी झुंज द्यावी लागत आहे. भारत आणि पाकिस्तान (IND vs PAK) एकमेकांविरुद्ध फक्त आयसीसी स्पर्धा किंवा आशिया कपमध्येच खेळतात आणि जग पुन्हा एकदा मैदानावर “बुमराह विरुद्ध शाहीन” ही टक्कर पाहू शकते.

जर बुमराह आणि शाहीनच्या टी20 आंतरराष्ट्रीय रेकॉर्डकडे पाहिलं, तर शाहीनने 81 सामन्यांत 104 विकेट्स घेतल्या आहेत. दोन वेळा त्याने एका डावात चार विकेट्स घेतल्या आहेत. शाहीनची गोलंदाजी सरासरी 22.25 असून, सर्वोत्तम कामगिरी 22 धावांत 4 विकेट्स अशी आहे. जसप्रीत बुमराहने भारतासाठी 70 टी20 सामन्यांत 89 विकेट्स घेतल्या आहेत. त्याची सर्वोत्तम कामगिरी 7 धावांत 3 विकेट्स अशी आहे.

जसप्रीत बुमराहने भारतासाठी आशिया कप टी20 फॉरमॅटमध्ये 5 सामन्यांत 6 विकेट्स घेतल्या आहेत, तर शाहीनने या फॉरमॅटमध्ये अजून एकही सामना खेळलेला नाही. मात्र, दोघांनीही आशिया कपच्या वनडे फॉरमॅटमध्ये बळी घेतले आहेत. वनडे आशिया कपमध्ये शाहीन अफ्रीदीने 8 सामन्यांत 14 बळी घेतले, तर जसप्रीत बुमराहने 8 सामन्यांत 12 बळी घेतले आहेत.

जसप्रीत बुमराह वि. शाहीन अफ्रीदी आशिया कप (वनडे) आकडेवारी

8 सामने 8
12 बळी 14
16.58 सरासरी 25.85
25.91 स्ट्राईक रेट 28.71
3.83 इकॉनॉमी 5.40
3/37 सर्वोत्तम कामगिरी 4/35