भारतीय क्रिकेट संघाचा माजी कर्णधार एमएस धोनी याची लोकप्रियता त्याच्या निवृत्तीच्या तीन वर्षानंतर तसूभरही कमी झाली नाही. धोनी सध्या केवळ आयपीएल खेळत असला तरी चाहते त्याला पाहण्यासाठी मैदानात गर्दी करतात. आयपीएल 2023 मध्ये प्रत्येक मैदानावर त्याला चाहत्यांचे भरपूर प्रेम मिळाले. असे असताना आयपीएलमध्ये या वर्षी प्रथमच खेळत असलेला ऑस्ट्रेलियाचा युवा अष्टपैलू कॅमेरून ग्रीन याने त्याच्याबाबत एक मोठे वक्तव्य केले आहे.
मुंबई इंडियन्सने 17 कोटींपेक्षा जास्त बोली लावत ग्रीन याला यावर्षी आयपीएलसाठी आपल्या संघात सामील करून घेतलेले. नुकतेच एका मुलाखतीत बोलताना त्याने आयपीएलमधील आपले अनुभव सांगितले. तो म्हणाला,
“आयपीएलमध्ये मला अनेक वेगवेगळे क्षण अनुभवायला मिळाले. ही अत्यंत मोठी स्पर्धा आहे. स्पर्धात्मक वातावरण येथे तुम्हाला मिळते.”
त्याचवेळी त्याला एमएस धोनी याच्याविषयी विचारले असता तो म्हणाला,
“सगळे म्हणतात तसेच दोन्ही तिथे देवासारखा आहे. चेन्नईच्या स्टेडियमवर तो उतरताना जी काही परिस्थिती होती ती मी पाहिलेल्या सर्वात जबरदस्त क्षणांपैकी एक आहे. त्याला सगळीकडे प्रेम मिळते. याच्यापुढे जाऊन ज्यावेळी तुम्ही त्याच्याशी संवाद साधतात त्यावेळी कळते तो किती चांगला व्यक्ती देखील आहे.”
मुंबई इंडियन्सने त्याच्यावर दाखवलेला विश्वास ग्रीन याने यावेळी सार्थ ठरवला होता. त्याने मोक्याच्या क्षणी गोलंदाजी बळी घेत संघाच्या विजयात योगदान दिले. तसेच अनेक महत्त्वपूर्ण खेळ्या त्याने केल्या. अखेरच्या साखळी सामन्यात मुंबईला विजय आवश्यक असताना त्याने नाबाद शतक ठोकत आपल्या संघाला प्ले ऑफपर्यंत पोहोचवलेले. ऑक्टोबर महिन्यात तो भारतात होणाऱ्या वनडे विश्वचषकासाठी ऑस्ट्रेलिया संघात निवडला गेला आहे.
(Cameron Green Said MS Dhoni Is God Figure In India)
महत्वाच्या बातम्या –
SL vs BAN Toss: सुपर फोरमधील दुसऱ्या सामन्यात ‘हा’ संघ ‘टॉस का बॉस’, एक बदलासह बांगलादेश उतरणार मैदानात
लखनऊची ताकद वाढली! ‘या’ 9 स्टाफच्या जोरावर पटकावणार IPL 2024चं विजेतेपद, नावं पाहून हादरून जाल
