आयपीएल 2025 चा दुसरा क्वालिफायर सामना उद्या म्हणजेच रविवार, 1 जून रोजी पंजाब किंग्ज आणि मुंबई इंडियन्स यांच्यात होणार आहे. पंजाब विरुद्ध मुंबई नॉकआउट सामना अहमदाबाद येथील नरेंद्र मोदी स्टेडियमवर होणार आहे. पंजाब संघ आरसीबीकडून पहिला क्वालिफायर सामना गमावल्यानंतर या ठिकाणी पोहोचला आहे, तर मुंबईने एलिमिनेटरमध्ये गुजरातला हरवून या ठिकाणी पाऊल ठेवले आहे.
पंजाब विरुद्ध मुंबई क्वालिफायर-2 जिंकणारा संघ 3 जून रोजी जेतेपदाच्या सामन्यात रॉयल चॅलेंजर्स बंगळुरूशी सामना करेल. अशा परिस्थितीत, हा सामना दोन्ही संघांसाठी खूप महत्त्वाचा ठरणार आहे.
जर पंजाबला अंतिम फेरीत पोहोचायचे असेल तर त्यांना हार्दिक पांड्याच्या विक्रमाची काळजी घ्यावी लागेल. पांड्याचा हा विक्रम मुंबई इंडियन्सच्या यशाची गुरुकिल्ली आहे.
हार्दिकचा हा विक्रम म्हणजे, कर्णधार म्हणून त्याने कधीही 200 किंवा त्यापेक्षा जास्त धावांचा बचाव गमावलेला नाही. होय, आतापर्यंत अशा 8 पैकी 8 वेळा त्याने सामना जिंकला आहे. यात केवळ मुंबई इंडियन्स नव्हे, तर गुजरात टायटन्ससाठी केलेल्या नेतृत्वाचाही समावेश आहे
आयपीएलमध्ये 200 किंवा त्याहून अधिक धावसंख्येचा बचाव करताना कर्णधार म्हणून सर्वाधिक विजय
जिंकले | पराभूत
18|3 (एमएस धोनी)
13|2 (विराट कोहली)
11| 4 (श्रेयस अय्यर)
10|0 (रोहित शर्मा)
9|3 (रिषभ पंत)
8| 0 (हार्दिक पांड्या)*
8|0 (डेव्हिड वॉर्नर)
8|2 (संजू सॅमसन)
पण हार्दिक पांड्याच्या या विक्रमावरून हे स्पष्ट होते की जर त्याच्या संघाने 200 किंवा त्याहून अधिक धावा केल्या तर कर्णधार म्हणून त्याच्या संघाचा विजय निश्चित आहे.
अशा परिस्थितीत, क्वालिफायर-2 मध्ये, पंजाब किंग्ज एकतर प्रथम फलंदाजी करण्याचा प्रयत्न करेल, किंवा जर त्यांना प्रथम गोलंदाजी करण्याची संधी मिळाली तर ते मुंबईला 200 पेक्षा कमी धावसंख्येवर रोखू इच्छितात.
