क्रांतीज्योत महिला प्रतिष्ठान युवा कबड्डी सिरीज मध्ये आज कोल्हापूर ताडोबा टायगर्स, अहमदनगर पेरियार पँथर्स, मुंबई शहर मौर्य मेवरीक्स व नांदेड चांबल चॅलेंजर्स या संघांनी प्रतिस्पर्धी संघाला नमवत विजय मिळवला. या महत्वपूर्ण विजयाने चारही संघांनी टॉप 2 मध्ये राहण्यासाठी प्रबळ दावेवरी भक्कम केली आहे. उद्या होणाऱ्या सामन्याच्या निकालात प्ले-ऑफस चा काही चित्र स्पष्ट होईल.
खराडी, पुणे येथे सुरू असलेल्या युवा कबड्डी सिरीज मध्ये आजच्या पहिल्या सामन्यात कोल्हापूर ताडोबा टायगर्स संघाने पुणे पलानी टस्कर्सवर मात देत प्रमोशन फेरीत चौथा विजय मिळवला. मध्यांतरला 34-14 अशी आघाडी असलेल्या कोल्हापूर संघाने सांघिक खेळ करत सामना एकतर्फी केला. कोल्हापूर संघाने 53-36 असा सामना जिंकत चौथा विजय मिळवला. कोल्हापूर संघाकडून ओमकार नारायण पाटील ने 14 गुण मिळवले तर वैभव रबाडे ने क्रांतीज्योत महिला प्रतिष्ठान युवा कबड्डी सिरीज मध्ये एकाच सामन्यात पकडीत 10 गुण मिळवण्याचा विक्रम केला.
आजच्या दुसऱ्या सामन्यात अहमदनगर पेरियार पँथर्स संघाने मुंबई उपनगर मुर्थाल मॅग्नेट्स संघावर 35 -27 अशी मात देत प्रमोशन फेरीत पाचवा विजय मिळवला. अहमदनगर च्या प्रफुल झवारे ने 13 गुण मिळवले तर कर्णधार अजित पवार ने पकडीत 4 गुण मिळवत महत्वपूर्ण भूमिका निभावली. या युवा कबड्डी सिरीज मध्ये 50 टॅकल गुण मिळवणारा अजित पवार हा दुसरा खेळाडू ठरला. मुंबई उपनगर कडून भारत खारगुटकर व रुतिक कांबळी यांनी उत्कृष्ट खेळ केला.
मुंबई शहर मौर्य मेवरीक्स विरुद्ध ठाणे हम्पी हिरोज यांच्यात सुरुवातीला अंत्यत चुरशीचा सामना झाला. मध्यंतराला 15-12 ठाणे कडे आघाडी असताना तर शेवटची 10 मिनिटं शिल्लक असताना 22-22 असा बरोबरीत सामना सुरू होता. मुंबई शहर च्या जतिन विंदे मारलेल्या 6 गुणांच्या सुपर रेड ने सामन्याला कलाटणी दिली. त्यानंतर मुंबई शहर ने ठाणे संघावर लोन टाकत 38-28 असा विजय मिळवला. जतिन विंदे ने 12 गुण तर हर्ष लाड ने 7 पकडी केल्या. नांदेड चांबल चॅलेंजर्स संघाने नाशिक द्वारका डिफेंडर्स संघावर 64-29 अशी मात देत आपला चौथा स्थान कायम ठेवला. नांदेड संघाकडून अजित चव्हाण ने 26 गुण मिळवले तर पकडीत अभिषेक बोरुडे ने सर्वाधिक 11 पकडीत गुण मिळवत विक्रम केला. (Churas rose to finish in the top 2 in the promotion round)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या –
मुंबई शहर मौर्य मेवरीक्स संघाची ठाणे संघावर मात
प्रमोशन फेरीत नांदेड चांबल चॅलेंजर्स संघाचा तिसरा विजय