वेस्ट इंडिजमध्ये सुरू असलेल्या कॅरिबियन प्रीमियर लीगमध्ये ट्रिनबॅगो नाईट रायडर्सचा संघ सतत चांगली कामगिरी करत आहे. ते शीर्षस्थानी कार्यरत आहे. बुधवारी रात्री उशिरा झालेल्या सामन्यात टीकेआरचा सलामीचा फलंदाज लेंडल सिमन्सच्या विस्फोटक फलंदाजीमुळे टीकेआरने हा सामना 59 धावांनी जिंकला. या डावात विस्फोटक सिमन्सने 63 चेंडूत 96 धावा केल्या आणि सेंट किट्स व नेविस पॅट्रिओट्स या संघाला 59 धावांनी पराभूत केले.
सीपीएलमध्ये टीकेआर संघाचा हा सलग आठवा विजय आहे. दुसरीकडे गयाना अमेझॉन वॉरिअर्सने सेंट लुसिया झुक्स या संघाला सात गडी राखत पराभूत केले आणि दुसर्‍या स्थानी पोहोचले.
या सामन्यात नाईट रायडर्सने कायरन पोलार्ड आणि सुनिल नरेन यांना आराम दिला होता. लेंडल सिमन्सने डाव सांभाळला व 7 चौकार, 6 षटकारांच्या मदतीने मोठी खेळी केली. संघाने चार गड्यांच्या मोबदल्यात 174 धावा केल्या. सिमन्सने डॅरेन ब्राव्हो (36) सोबत मिळून 130 धावांची भागीदारी केली.
सेंट किट्टस 115 धावांवर झाला बाद
टीकेआरने दिलेल्या मोठ्या धावसंख्येचा पाठलाग करताना सेंट किट्स आणि नेव्हिसचा संघ 20 षटकांत 7 गडी गमावून केवळ 115 धावा करू शकला. त्याच्या तीन फलंदाजांनी दुहेरी आकडा गाठला, ख्रिस लिनने 34 आणि जोशुआ डिसिल्वाने 29 धावा केल्या. नाईट रायडर्सकडून भारतीय फिरकी गोलंदाज प्रवीण तांबेने प्रभावी गोलंदाजी केली आणि चार षटकांत 12 धावा देऊन सिल्वाला बाद केले. सिकंदर रझाने तीन षटकांत 13 धावा देऊन तीन गडी बाद केले.
अमेझॉन वॉरियर्सने सामना 7 गडी राखून जिंकला
दुसर्‍या सामन्यात शिमरॉन हेटमायरने (36 चेंडूत नाबाद 56) अर्धशतक झळकावल्यामुळे गयाना अमेझॉन वॉरिअर्सने सेंट लुसिया झुक्सला 37 चेंडू शिल्लक ठेवून सात गडी राखून पराभूत केले.
सेंट लुसियाच्या संघाने प्रथम फलंदाजी करत 109 धावा केल्या. यादरम्यान सेंट लुसियाकडून फलंदाजी करताना रकीम कॉर्नवॉलने 13 चेंडूत २ चौकार आणि दोन षटकारांसह 21 धावा केल्या पण सेंट लुसियाचे गडी नियमित अंतराने बाद होत राहिले. अमेझॉन वॉरियर्सकडून नवीन उल हक आणि किमो पॉल यांनी प्रत्येकी दोन गडी बाद केले.
पॉईंट टेबलवर अमेझॉन वॉरिअर्सचा संघ दुसर्‍या क्रमांकावर
वॉरिअर्सने एका छोट्या लक्षाचा पाठलाग करताना ब्रॅंडन किंगला त्वरित गमावले. त्यानंतर हेटमायरने त्याच्या खेळीत 6 चौकार आणि तीन षटकार लगावले. चंद्रपॉल हेमराजने 26, निकोलस पूरणने 10 आणि रॉस टेलरने नाबाद 7 धावा केल्या. वॉरिअर्सचे आता नऊ सामन्यांत दहा गुण आहेत आणि धावगतीच्या जोरावर सेंट लुसियाच्या पुढे आहे. नाईट रायडर्स 16 गुणांसह अव्वल स्थानी आहे.
महत्त्वाच्या बातम्या-
-आयपीएल २०२०:२० सामन्यांमध्ये ५० बळी घेणारा युवा गोलंदाज दिल्ली कॅपिटल्स संघात
-“विराट कोहली हा भारतीय आहे म्हणून त्याचे कौतुक करणं थांबवू?” माजी वेगवान गोलंदाज कडाडला
-आयपीएलच्या वेळापत्रकाची प्रतिक्षा कायम; ब्रिजेश पटेल यांनी सांगितली नवी तारीख
ट्रेंडिंग लेख-
-…आणि भांडुपमधील मध्यमवर्गीय कुटूंबातील पोरगी १७व्या वर्षी भारताकडून खेळू लागली
-बडेमियाँ-छोटेमियाँ! आयपीएलमध्ये खेळलेल्या ३ भारतीय भावांच्या जोड्या
-आयपीएलमध्ये सर्वाधिक वेळा सामनावीर पुरस्कार मिळवलेले ३ खेळाडू; एकाही भारतीयाचा मात्र समावेश नाही
