भारतीय संघाचा माजी कर्णधार एमएस धोनीने आज क्रिकेटला अलविदा केला. मागील १६ वर्षांपासून आजपर्यंत भारतीय संघाचा माजी कर्णधार एमएस धोनीला दिग्गज खेळाडूंमध्ये गणले जाते. परंतु धोनीने जेव्हा क्रिकेट खेळायला सुरुवात केली होती तेव्हा त्याला खूप काही मिळवायचे होते.
धोनीबद्दल त्याचा माजी संघसहकारी तसेच रणजी ट्रॉफी (Ranji Trophy) क्रिकेटमधील दिग्गज क्रिकेटपटू वसीम जाफरने (Wasim Jaffer) सुरुवातीच्या दिवसांच्या आठवणी सांगितल्या होत्या. त्याचबरोबर धोनीशी निगडीत ड्रेसिंग रुममधील काही सिक्रेट्सही जाफरने शेअर केले होते.
भारतीय संघाकडून खेळताना धोनीची आणि जाफरची मैत्री झाली. यादरम्यान धोनी (MS Dhoni) जाफरला म्हणाला होता की, त्याला क्रिकेट खेळून जास्तीत जास्त ३० लाख रुपये (30 Lakh Rupees) कमवायचे आहेत. जेणेकरून त्याला आरामात आपल्या रांची शहरात राहता येईल.
एका चाहत्याने जाफरला त्याच्या अधिकृत ट्विटर अकाऊंटवर प्रश्न विचारला होता की, धोनीबद्दल तुझ्या खास आठवणी कोणत्या आहेत? यावर जाफर उत्तर देत म्हणाला की, “भारतीय संघाबरोबर खेळताना मला आठवते की, धोनी मला म्हणाला होता की, त्याला फक्त ३० लाख रुपये कमावून आपले शहर रांचीमध्ये रहायचे होते.”
In his 1st or 2nd year in Indian team, I remember he said, he wants to make 30lakhs from playing cricket so he can live peacefully rest of his life in Ranchi ????????
— Wasim Jaffer (@WasimJaffer14) March 28, 2020
सध्या धोनीची एकूण संपत्ती ही सध्या ८०० कोटींपेक्षाही अधिक आहे. तो जगातील एक श्रीमंत क्रि्केटर म्हणून ओळखला जातो.
धोनीने भारतीय संघाला २००७ मध्ये टी२० विश्वचषक, २०११मध्ये वनडे विश्वचषक मिळवून दिले आहे.
