आंतरराष्ट्रीय क्रिकेट परिषदने (ICC) मंगळवार 28 जानेवारी रोजी अंतिम पुरस्कार जाहीर केला. आता आयसीसी पुरस्कार समारंभ संपले आहे. 2024 मध्ये उत्कृष्ट कामगिरी करणाऱ्या खेळाडूंना आयसीसी पुरस्काराने सन्मानित करण्यात आले. हे पुरस्कार पुरुष आणि महिला गटात देण्यात आले. भारतातील 3 खेळाडूंनी आयसीसीचे 3 मोठे पुरस्कार जिंकण्यात यश मिळवले. भारताचा स्टार वेगवान गोलंदाज जसप्रीत बुमराहने आयसीसीचा सर्वात मोठा पुरस्कार जिंकला. बुमराहला आयसीसी क्रिकेटर ऑफ द इयर पुरस्काराने सन्मानित करण्यात आले.
जसप्रीत बुमराह यापूर्वी आयसीसीचा वर्षातील सर्वोत्तम कसोटी क्रिकेटपटूही ठरला. दरम्यान, अर्शदीप सिंगने आयसीसी पुरुष टी20 क्रिकेटपटू ऑफ द इयर जिंकला, तर भारतीय महिला क्रिकेटपटू स्मृती मानधनाने आयसीसी महिला एकदिवसीय क्रिकेटपटू ऑफ द इयर जिंकली. गेले वर्ष दोन्ही खेळाडूंसाठी खूप चांगले होते. गेल्या वर्षी मानधनाने एकदिवसीय सामन्यांमध्ये खूप धावा केल्या. ज्यात तिने 13 सामन्यांमध्ये 57 पेक्षा जास्त सरासरीने 747 धावा केल्या.
जसप्रीत बुमराह आयसीसीचा वर्षातील सर्वोत्तम क्रिकेटपटू ठरला आणि त्याने गारफील्ड सोबर्स ट्रॉफी जिंकली. तसेच न्यूझीलंडची डॅशिंग अष्टपैलू खेळाडू अमेलिया केरने आयसीसी महिला क्रिकेटपटू ऑफ द इयर पुरस्कार जिंकण्यात यश मिळवले. पहिल्यांदाच एखाद्या किवी खेळाडूने इतका मोठा पुरस्कार जिंकला. गेल्या वर्षी अमेलिया केरने तिन्ही फॉरमॅटमध्ये बॅट आणि बॉल दोन्हीमध्ये उत्कृष्ट कामगिरी केली. 2024 मध्ये न्यूझीलंडला पहिल्यांदाच टी20 विश्वचषक जिंकण्यास मदत करण्यात महत्त्वाची भूमिका बजावली.
सर गारफील्ड सोबर्स ट्रॉफी, आयसीसीचा वर्षातील सर्वोत्तम पुरुष क्रिकेटपटू: जसप्रीत बुमराह
रॅचेल हेहो फ्लिंट ट्रॉफी आयसीसी महिला क्रिकेटपटू ऑफ द इयर: अमेलिया केर
आयसीसी पुरस्कारांची यादी (पुरुष)
आयसीसीचा वर्षातील सर्वोत्तम कसोटी क्रिकेटपटू: जसप्रीत बुमराह
आयसीसीचा वर्षातील सर्वोत्तम एकदिवसीय क्रिकेटपटू: अझमतुल्ला उमरझाई
आयसीसीचा वर्षातील सर्वोत्तम पुरुष टी20 क्रिकेटपटू: अर्शदीप सिंग
आयसीसीचा उदयोन्मुख पुरुष क्रिकेटपटू: कामिंदू मेंडिस
आयसीसीचा वर्षातील सर्वोत्तम असोसिएट क्रिकेटपटू: गेरहार्ड इरास्मस
आयसीसी पुरस्कारांची यादी (महिला)
आयसीसी महिला एकदिवसीय क्रिकेटपटू: स्मृती मानधना
आयसीसी महिला टी20 क्रिकेटपटू ऑफ द इयर: अमेलिया केर
आयसीसी महिला उदयोन्मुख क्रिकेटपटू: अ‍ॅनेरी डिर्कसेन
आयसीसी महिला असोसिएट प्लेअर ऑफ द इयर पुरस्कार: ईशा ओजा
वर्षातील सर्वोत्तम पंच
आयसीसीचा वर्षातील सर्वोत्तम पंच पुरस्कार: रिचर्ड इलिंगवर्थ
हेही वाचा-
वरुण चक्रवर्तीच्या नावे नोंदवला लाजीरवाणा विक्रम, टी20 मधील पहिलाच इतका दुर्दैवी खेळाडू
संघ व्यवस्थापनाचा ढिसाळ निर्णय आणि…., जाणून घ्या भारताच्या पराभवाची पाच मोठी कारणं
IND VS ENG; इंग्लंंडचा कमबॅक, राजकोटमध्ये भारताचा निसटता पराभव
