एकदिवसीय मालिकेनंतर भारतीय संघ इंग्लंड विरुद्धच्या महत्त्वाच्या कसोटी मालिकेसाठी सज्ज आहे.
या कसोटी मालिकेत भारतीय संघाच्या यशात विराट कोहलीचा फॉर्म महत्त्वाचा ठरणार आहे.
इंग्लंड दौऱ्यावर आल्यानंतर विराट कोहलीने, जर भारतीय संघ जिंकला तर मला माझ्या फॉर्मची चिंता नाही. मी इथे क्रिकेटचा आनंद घ्यायला आलो आहे. असे वक्तव्य केले होते.
मात्र इंग्लंडचा वेगवान गोलंदाज जेम्स अॅंडरसनने विराट कोहलीच्या या वक्तव्यावर जोरदार टिका करत विराट खोटे बोलत असल्याचा आरोप केला आहे.
“विराटने धावा केल्या नाही तर त्याला खरचं काही फरक पडणार नाही का? मला असे वाटते की विराट खोटे बोलत आहे.” असे जेम्स अॅंडरसन विराटवर टिका करत म्हणाला.
2014 च्या दौऱ्यात कोहलीची कामगिरी अत्यंत सुमार झाली होती. त्याला जेम्स अँडरसनच्या स्विंग गोलंदाजीपुढे लोटांगण घालावे लागले होते. त्याने पाच सामन्यात 13.40 सरासरीने फक्त 134 धावा करता आल्या होत्या. त्याला अँडरसनने चार वेळा बाद केले होते.
त्यामुळे या दौऱ्यातही भारत विरुद्ध इंग्लंड सोबतच कोहली विरुद्ध अँडरसन हा सामना सुद्धा रोमांचक होणार आहे.अँडरसनने विराटवर टिका करत याचे रणशिंग फुकले आहे.
भारत इंग्लड यांच्यात पाच कसोटी सामन्यांची मालिका होणार आहे. या मालिकेतील पहिला कसोटी सामना 1 ऑगस्टपासून सुरु होणार आहे.
महत्त्वाच्या बातम्या:
