सध्या भारत विरुद्ध ऑस्ट्रेलिया संघात चौथा आणि अखेरचा कसोटी सामना खेळला जात आहे. दुसरीकडे, काही भारतीय खेळाडू सुट्ट्यांचा आनंद घेत आहे. त्यामध्ये भारतीय संघाचा अष्टपैलू हार्दिक पंड्या याच्या नावाचाही समावेश होता. पंड्या ऑस्ट्रेलियाविरुद्धच्या वनडे मालिकेत संघात पुनरागमन करणार आहे. वनडे मालिकेला 17 मार्चपासून सुरुवात होणार आहे. मात्र, त्यापूर्वी बॉर्डर-गावसकर ट्रॉफीमध्येच मिळालेल्या विश्रांतीचा हार्दिकने भरपूर आनंद लुटला. त्यांचा व्हिडिओ सोशल मीडियावर जोरदार व्हायरल होत आहे.
हार्दिक पंड्या (Hardik Pandya) याने नवीन वर्षाची सुरुवात शानदार अंदाजात केली. टी20 विश्वचषकानंतर मर्यादित क्रिकेट प्रकारातील भारतीय संघाच्या नेतृत्वाची जबाबदारी हार्दिककडे आहे. आतापर्यंत त्याने त्याच्या नेतृत्वात श्रीलंका आणि न्यूझीलंडसारख्या संघांना पराभूत केले आहे. दुसरीकडे, सुट्ट्यांच्या मध्ये पंड्या सोशल मीडियावर सर्वांचे लक्ष वेधत आहे. त्याचा एक व्हिडिओ तुफान व्हायरल होत आहे. या व्हिडिओत पंड्या ब्रदर्स (Pandya Brothers) प्लॅस्टिक चेंडूने घरातच क्रिकेट खेळताना दिसत आहेत. या व्हिडिओत कृणाल पंड्या (Krunal Pandya) याला बाद केल्यानंतर हार्दिकने ठुमकेही लावले आहेत. त्यानंतर हार्दिक डाव्या हाताने फलंदाजी करत शॉटही मारताना दिसत आहे.
हा व्हिडिओ कृणाल पंड्याने हार्दिकसोबत कोलॅबोरेशनमध्ये शेअर केला आहे. हा व्हिडिओ शेअर करत त्याने कॅप्शनमध्ये “पंड्यांच्या घरात मस्ती” असे लिहिले आहे. या व्हिडिओला 6 लाखांहून अधिक लाईक्स मिळाले आहेत. तसेच, 27 लाखांहून अधिक व्ह्यूजही मिळाले आहेत. याव्यतिरिक्त हजारो कमेंट्सचाही वर्षाव झाला आहे.
https://www.instagram.com/reel/CpmnTp7Lz6R/
प्रसिद्ध क्रिएटर्स फंचो (Funcho) यांनी या व्हिडिओवर कमेंट करत लिहिले आहे की, “आमच्या आईने आतापर्यंत आम्हाला घरातून बाहेर काढले असते.” याव्यतिरिक्त सर विवियन रिचर्ड्स (Sir Vivian Richards) यांची मुलगी मसाबा गुप्ता (Masaba Gupta) हिने कमेंट करत लिहिले की, “मला त्या झुंबरांची चिंता लागली आहे.” तसेच, हार्दिकची पत्नी नताशा स्टॅन्कोविक (Natasa Stankovic) हिनेदेखील कमेंटमध्ये हसणाऱ्या आणि लव्ह इमोजीचा समावेश केला आहे.
तीन वर्षांनंतर पुन्हा थाटला संसार
हार्दिक पंड्या याने 3 वर्षांपूर्वी गर्लफ्रेंड नताशासोबत लग्न केले होते. त्यावेळी ती गरोदर होती. त्यांना एक मुलगा असून त्याचे नाव अगस्त्य (Agastya) आहे. नुकतेच हार्दिक आणि नताशाने तीन वर्षानंतर पुन्हा एकदा संसार थाटला. त्यांचे लग्न रीतीरिवाजाने पार पडले. या लग्नाला हार्दिकच्या कुटुंबातील सदस्यही होते. पंड्याने आधी परदेशात लग्न केले होते, त्यानंतर आता हिंदू रीतीरिवाजाने लग्न केले. यादरम्यानचे सर्व फोटोही त्याने सोशल मीडियावर शेअर केले होते. हे फोटो चाहत्यांच्या पसंतीस पडले होते. (cricketer hardik pandya danced after taking the wicket of krunal ahead india vs australia odi series see video)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
भारतीय कर्णधाराने घेतलेल्या ‘या’ रिव्ह्यूवर पंचांनाही आवरेना हसू, व्हिडिओ पाहून तुम्हीही हसाल पोट धरून
WPL गाजवतेय पाटलांची श्रेयंका! IPL सामना पाहताना ‘या’ दिग्गजामुळे झालेली प्रभावित
