पहिल्या टी20 सामन्यात शुक्रवारी (दि. 27 जानेवारी) रांची येथे भारतीय संघाला न्यूझीलंडकडून दारुण पराभवाचा सामना करावा लागला. वनडे मालिका जिंकून वाढलेल्या भारतीय संघाच्या आत्मविश्वासाला न्यूझीलंडने टी20त तडा दिला. या विजयासह न्यूझीलंड मालिकेत 1-0ने विजयी आघाडीवर आहे. भारतीय संघाच्या अनेक स्टार खेळाडूंनी खराब कामगिरी केली. एक खेळाडू असा आहे, जो वनडेत धमाल करतोय, पण टी20 क्रिकेटमध्ये सपशेल फ्लॉप ठरत आहे. पहिल्या टी20 सामन्यातही त्याला खास कामगिरी करता आली नाही. चला तर जाणून घेऊयात कोण आहे तो खेळाडू…
कोण आहे फ्लॉप होत असलेला खेळाडू?
भारत विरुद्ध न्यूझीलंड (India vs New Zealand) संघातील पहिल्या टी20 सामन्यात नाणेफेक भारताच्या पारड्यात पडली. यावेळी न्यूझीलंडने पहिल्यांदा फलंदाजी करताना 177 धावांचे आव्हान भारतापुढे ठेवले. यावेळी भारताकडून या आव्हानाचा पाठलाग करण्यासाठी ईशान किशन (Ishan Kishan) सलामीला उतरला होता. संघाला चांगल्या कामगिरीची अपेक्षा होती. मात्र, तो कमी धावसंख्येवर तंबूत परतला. त्याने यावेळी फक्त 4 धावा केल्या होत्या. यापूर्वी तो श्रीलंकेविरुद्धच्या टी20 मालिकेतही मोठी खेळी साकारू शकला नव्हता.
श्रीलंके मालिकेतील तीन सामन्यात किशनने अनुक्रमे 37, 2 आणि 1 धाव काढली. त्याने या मालिकेत एकूण 40 धावा केल्या होत्या. खराब फॉर्मशी झगडूनही त्याला भारतीय संघात स्थान मिळाले. श्रीलंका आणि न्यूझीलंडविरुद्धच्या टी20 मालिकेत त्याने यष्टीरक्षणाचीही जबाबदारी सांभाळली. त्याने भारताकडून टी20 क्रिकेटमध्ये 25 सामन्यात 633 धावा केल्या आहेत. त्यात 4 अर्धशतकांचा समावेश आहे.
वनडे क्रिकेटचा हिरो
ईशान किशन याने बांगलादेशविरुद्ध 131 चेंडूत 210 धावांची वादळी खेळी साकारली होती. यासह तो एकाच रात्रीत स्टार बनला. वनडे क्रिकेटमधील हे त्याचे पहिलेच शतक होते. त्याने भारताकडून खेळताना वनडेत 13 सामन्यात 507 धावा केल्या आहेत. त्यामध्ये 3 अर्धशतकांचा समावेश आहे.
टी20 क्रिकेटमध्ये सातत्याने होतोय फ्लॉप
ईशान किशन वनडे क्रिकेटमध्ये भारतासाठी चांगली कामगिरी करत आहे. मात्र, टी20 सामन्यात त्याच्या बॅटमधून मोठी खेळी निघालीच नाही. संघात त्याची जागा घेण्यासाठी पृथ्वी शॉ (Prithvi Shaw) आणि ऋतुराज गायकवाड (Ruturaj Gaikwad) यांसारखे खेळाडू आहेत, जे काही चेंडूतच सामन्याची दिशा बदलतात. पृथ्वी शॉ याने देशांतर्गत क्रिकेटमध्ये शानदार कामगिरी केली आहे. तसेच, ईशान अशीच कामगिरी करत राहिला, पृथ्वी टी20 क्रिकेटमध्ये त्याची जागा घेऊ शकतो. (cricketer ishan kishan flop batting performance in t20 cricket villain for indian cricket team ind vs nz career)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
सगळं खोटं! ना 50 कोटींचा बंगला, ना महागड्या गाड्या; राहुल-अथियाला लग्नात दमडीही मिळाली नाही
‘तू मजबूत राहा, तुझा अभिमान आहे’, अखेरच्या ग्रँड स्लॅममध्ये हारताच सानियासाठी शोएबची भावूक पोस्ट
