ट्रॅफिकमध्ये अडकूनही धोनीने चाहत्याचा दिवस बनवला खास! व्हिडिओ पाहून तुम्हीही म्हणाल, ‘नशीबवान आहेस’

भारतीय संघाचा यशस्वी माजी कर्णधार महेंद्र सिंग धोनी याला आज कोणत्याही ओळखीची गरज नाही. त्याला ‘माही’, ‘थाला’, ‘एमएसडी’ अशा वेगवेगळ्या नावांनी ओळखले जाते. धोनी जिकडे जाईल, तिकडे चाहते त्याच्याभोवती गराडा घालतात. यावरून त्याचा चाहतावर्ग किती मोठा आहे, हे दिसून येते. धोनीला फक्त भारतातच नाही, तर जगभरात प्रचंड मोठा चाहतावर्ग लाभला आहे. त्याची एक झलक पाहण्यासाठीही चाहते आतुरतेने वाट पाहत असतात. धोनी जेव्हा मैदानावर असतो, तेव्हा चाहत्यांचा उत्साह पाहण्यासारखा असतो. तसेच, तो त्याच्या चाहत्यांचीही खूप काळजी घेतो आणि त्यांना खुश करण्याची संधी सोडत नाही. आताही त्याने चाहत्याला निराश केले नाहीये.

चेन्नई सुपर किंग्स (Chennai Super Kings) संघाचा कर्णधार एमएस धोनी (MS Dhoni) याचा एक व्हिडिओ सोशल मीडियावर जोरदार व्हायरल होत आहे. या व्हिडिओत एमएस धोनी ट्रॅफिक सिग्नलवर अडकल्याचे दिसत आहे. मात्र, तो सेल्फी मागणाऱ्या चाहत्याला निराश करत नाही.

व्हायरल होत असलेला धोनीचा हा व्हिडिओ मुंबईतील आहे. या व्हिडिओत दिसते की, तो एका ट्रॅफिक सिग्नलवर आपल्या कारमध्ये असतो आणि तेव्हाच त्याच्या जवळ एक स्कूटी येऊन थांबते. स्कूटी चालक धोनीला कारमध्ये बसल्याचे पाहून त्याच्याकडे सेल्फी घेण्याचा आग्रह करतो. यावेळी धोनीही चाहत्याला निराश करत नाही. तो गाडीची काच खाली करतो आणि हसत हसत चाहत्याला सेल्फी देतो. धोनीसोबत सेल्फी काढल्यानंतर चाहता भलताच खुश होतो.

https://www.instagram.com/reel/Cs8l0eSOmRS/?utm_source=ig_embed&ig_rid=dcba9835-3f8c-486f-bb43-5a759efeccf4

धोनी मुंबईत काय करतोय?
विशेष म्हणजे, सीएसके (CSK) संघाचा कर्णधार धोनी आयपीएल 2023 (IPL 2023) हंगाम संपल्यानंतर 31 मे रोजी मुंबईला आला होता. गुरुवारी (दि. 01 जून) त्याच्या गुडघ्याची सर्जरी झाली. स्पर्धेच्या पहिल्या सामन्यात चेंडू पकडताना धोनीच्या डाव्या गुडघ्याला दुखापत झाली होती. मात्र, यानंतरही त्याने स्पर्धेतील एकही सामना चुकवला नाही आणि आपल्या संघाला पाचव्यांदा आयपीएलचा किताब जिंकून दिला.

सीएसकेला चॅम्पियन बनवल्यानंतर धोनीने त्याच्या गुडघ्याच्या उपचारासाठी मुंबई गाठली होती. विशेष म्हणजे, धोनीने पुढील हंगामात खेळणार असल्याची घोषणा आधीच केली आहे. त्यामुळे त्याला स्वत:ला पूर्णपणे फिट ठेवायचे आहे. (cricketer ms dhoni fulfils fan request with selfie on mumbai roads video goes viral)

महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
गर्लफ्रेंड पटवण्यात ख्रिस गेल माहीर! भारतातही लावला नंबर, स्वत:च केला खुलासा
मोठी बातमी! वेस्ट इंडिज अन् अमेरिकेत होणार नाही T20 World Cup 2024 स्पर्धेचं आयोजन? वाचा