सूर्यावर चढला विराटचा फिव्हर, मैदानातच ‘ढम ढम बाजे ढोल’ गाण्यावर धरला ठेका; व्हिडिओ व्हायरल

शुक्रवारी (दि. 25 नोव्हेंबर) ऑकलंड येथे भारत विरुद्ध न्यूझीलंड संघात पहिला वनडे सामना खेळला गेला. या सामन्यात यजमानांनी भारताला 7 विकेट्सने पराभूत केले. असे असले, तरीही भारताने प्रथम फलंदाजी करताना शानदार फटकेबाजी केली होती. मात्र, गोलंदाजांनी यजमानांच्या फलंदाजांपुढे नांग्या टाकल्या. या सामन्यानंतर सोशल मीडियावर एक व्हिडिओ तुफान व्हायरल होतोय. या व्हिडिओत भारतीय संघाचा स्टार फलंदाज सूर्यकुमार यादव मैदानात क्षेत्ररक्षण करताना ठुमके लावताना दिसत आहे.

सूर्यकुमारचा डान्स पाहून चाहत्यांना आठवला विराट
भारतीय संघाचा स्टार फलंदाज सूर्यकुमार यादव (Suryakumar Yadav) याचा ‘ढम ढम बाजे ढोल’ गाण्यावरील डान्स पाहून चाहत्यांनी म्हटले आहे की, त्याच्यावर विराट कोहली (Virat Kohli) याच्या संगतीचा परिणाम झाला आहे. खरं तर, मागील काही दिवसांपासून ‘मिस्टर 360’ म्हणून ओळखल्या जाणाऱ्या सूर्यकुमार आणि विराटमध्ये खूपच चांगले मैत्रीपूर्ण नाते तयार झाल्याचे पाहायला मिळाले आहे. दोघांमध्ये सोशल मीडियावरही ब्रोमान्स पाहायला मिळाला आहे. त्यामुळेच कदाचित चाहते विराटचे नाव घेत आहेत. भारतीय संघाचा माजी कर्णधार विराटचा अनेकदा भांगडा करतानाचा व्हिडिओ सोशल मीडियावर व्हायरल झाला आहे. इतकेच नाही, तर विराट मैदानावरही अनेकदा ठुमके लावताना दिसला आहे.

https://twitter.com/Adityakrsaha/status/1596104363717840898

वनडेत सूर्यकुमार यादव फ्लॉप
सूर्याने टी20 विश्वचषकात आपल्या शानदार प्रदर्शनाने सर्वांचे लक्ष वेधून घेतले होते. त्यानंतर त्याने न्यूझीलंडविरुद्ध टी20 मालिकेतही आपल्या फलंदाजीचा दम दाखवून दिला. त्याने दुसऱ्या टी20 सामन्यात तुफान शतकी खेळी साकारली आणि संघाला विजय मिळवून दिला. सूर्यकुमारने 51 चेंडूत 111 धावांची विजयी खेळी केली होती. मात्र, वनडे मालिकेच्या पहिल्या सामन्यात सूर्यकुमार यादव खास कामगिरी करू शकला नाही. त्याला 4 धावांवर समाधान मानावे लागले.

रविवारी ‘करो वा मरो’ स्थिती
पहिल्या वनडे सामन्यात बारतीय संघाकडून शानदार फलंदाजी पाहायला मिळाली. मात्र, शेवटी गोलंदाजांना अपयश आले. केन विलियम्सन आणि टॉम लॅथम यांच्या शानदार द्विशतकी भागीदारीमुळे 307 धावांचे आव्हान सहजरीत्या पार केले. या मालिकेतील दुसरा ‘करो वा मरो’ वनडे सामना रविवारी (दि. 27 नोव्हेंबर) होणार आहे. भारतीय संघाला या सामन्यात पुनरागमन केले नाही, तर या मालिकेवर भारतीय संघाला पाणी सोडावे लागेल. (Cricketer suryakumar yadav danced on the field during odi against new zealand video Viral)

महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
रमीझ राजा म्हणतायेत, “भारतात होणारा वर्ल्डकप पाकिस्तान नसल्यास कोण पाहणार?”
बालपणीचे प्रशिक्षक म्हणतायेत, ‘शार्दुलला 2023 विश्वचषक खेळवाच”