काही दिवसांपुर्वीच भारताचा ऑस्ट्रेलिया दौरा संपला. ब्रिस्बेनच्या द गॅबा स्टेडियमवर दोन्ही संघात झालेल्या चौथ्या कसोटी सामन्याद्वारे या दौऱ्याची समाप्ती झाली. या निर्णायक सामन्यात भारताने ऑस्ट्रेलियावर ३ विकेट्सने मात करत २-१ च्या फरकाने कसोटी मालिका जिंकली. भारताच्या या ऐतिहासिक विजयानंतर यजमान ऑस्ट्रेलिया संघाचे खेळाडू निराश दिसून आले. मात्र सलामीवीर डेविड वॉर्नर याच्या कुटुंबातील एका सदस्याच्या आनंदाला परिसीमा नव्हती. स्वत: वॉर्नरने याविषयी माहिती दिली आहे.
वॉर्नरने आपल्या अधिकृत इंस्टाग्राम अकाउंटवर एक फोटो शेअर केला आहे. यामध्ये त्याची मुलगी इंडी रे ही विराट कोहलीची सही असलेली जर्सी घालून उभी असलेला हा फोटो आहे. तिच्या चेहऱ्यावरील हास्याने विराटची जर्सी घालून तिला किती आनंद झाला असावा, हे स्पष्ट दिसते.
या फोटोच्या कॅप्शनमध्ये वॉर्नरने लिहिले आहे की, ‘मला माहिती आहे आमचा भारताविरुद्धच्या कसोटी मालिकेत पराभव झाला आहे. पण इथे एक मुलगी खूप खूष आहे. विराट तू दिलेल्या जर्सीसाठी तुझे खूप खूप आभार. इंडीला खरोखरच तुझीही ही भेट खूप आवडली आहे. बाबा आणि ऍरॉन फिंच असतानाही तिला विराटला खूप आवडतो.’
https://www.instagram.com/p/CKqVka5Lm20/?utm_source=ig_web_button_share_sheet
यापुर्वी इंस्टाग्रामवर झालेल्या लाइव्ह सेशन दरम्यान वॉर्नरने खुलासा केला होता की, त्याची मुलगी इंडी ही विराटची खूप मोठी चाहती आहे. स्वत: वॉर्नरदेखील विराटला दमदार असल्याचे मानतो.
विराट कोहलीच्या घरी परीचे आगमन
विराट कोहलीने ऑस्ट्रेलियाविरुद्ध केवळ एक कसोटी सामना खेळला होता. ऍडलेड येथे झालेल्या पहिल्या कसोटी सामन्यात त्याच्या नेतृत्त्वाखाली भारतीय संघाचा लज्जास्पद पराभव झाला होता. त्यानंतर पालकत्त्व रजेमुळे विराट मायदेशी परतला होता. काही दिवसांपुर्वीच विराटची पत्नी अनुष्का शर्मा हिने गोंडस मुलीला जन्म दिला आहे.
महत्त्वाच्या बातम्या-
Ind vs Eng : स्टोक्स-आर्चरने केला सरावाला प्रारंभ, उर्वरित सहकारी ‘या’ तारखेपासून होणार सहभागी
ऑस्ट्रेलिया दौऱ्यातील कामगिरीचा अजिंक्य रहाणेला फायदा, कसोटी क्रमवारीत पटकावलं ‘हे’ स्थान
वेस्ट इंडिजविरुद्धच्या कसोटी मालिकेसाठी बांग्लादेश संघाची घोषणा, २ नवख्या खेळाडूंना मिळाली जागा