ऑस्ट्रेलियाचा सलामीवीर नॅथन मॅकस्विनी भारताविरुद्ध बॉर्डर-गावस्कर ट्रॉफीमध्ये पदार्पण करण्याची शक्यता आहे. कांगारूंना चांगली सुरुवात करण्याची जबाबदारी नॅथन मॅकस्वीनीवर असेल. पण सध्या तो खूपच घाबरलेला दिसत आहे. बॉर्डर-गावस्कर ट्रॉफीपूर्वी नॅथन मॅकस्विनीने जसप्रीत बुमराहबाबत मत व्यक्त केले आहे. नॅथन मॅकस्विनी म्हणाला, “मला विश्वास आहे की मी सर्वोत्कृष्ट आहे, मी या संधीचा फायदा घेण्यास तयार आहे. मी कठोर परिश्रम करत आहे. परंतु मला माहित आहे की हे काम सोपे होणार नाही.”
उस्मान ख्वाजा आणि नॅथन मॅकस्विनी भारताविरुद्ध बॉर्डर-गावस्कर ट्रॉफीमध्ये ऑस्ट्रेलियाकडून सलामी देतील. नॅथन मॅकस्विनीला विश्वास आहे की तो भारतीय गोलंदाजीचा सामना करण्यास सक्षम असणार आहे. मात्र त्याच्यासमोर जसप्रीत बुमराहचे मोठे आव्हान असू शकते. नॅथन मॅकस्विनी म्हणाला की पर्थमध्ये माझ्यासाठी आव्हान सोपे नसेल. मी जसप्रीत बुमराहचे व्हिडिओ सतत पाहतो, जेणेकरून मला मदत मिळू शकेल. सध्या, व्हिडिओ पाहिल्यानंतर, मी जसप्रीत बुमराहच्या गोलंदाजीशी जुळवून घेण्याचा प्रयत्न करत आहे. परंतु नवीन गोलंदाजला खेळणे नेहमीच आव्हानात्मक असते.
जसप्रीत बुमराहच्या अनोख्या बॉलिंग ॲक्शनमुळे त्रास होऊ शकतो. असे नॅथन मॅकस्विनीचे मत आहे. पण त्यासाठी त्याची तयारी काय आहे? या प्रश्नाच्या उत्तरात नॅथन मॅकस्वीनी म्हणाला की, मी माझ्या मूलभूत गोष्टींवर सतत काम करत आहे. एक सलामीवीर फलंदाज म्हणून, मला माहित आहे की मला चेंडू सोडण्याची कला अवगत आहे, जेणेकरून मी गोलंदाजाला माझ्याकडे वळवू शकेन.
यंदाची बॉर्डर-गावस्कर ट्रॉफी भारतादरम्यान 5 कसोटी सामन्यांची खेळवली जाणार आहे. या मालिकेतील पहिला सामना 22 नोव्हेंबरपासून सुरू होत आहे. ज्याची सुरुवात पर्थमध्ये होईल.
हेही वाचा-
पराभवानंतर टीम इंडियाच्या प्लेइंग 11 मध्ये बदल? या 2 खेळाडूंना पदार्पणाची संधी!
अफगाणिस्तानच्या फलंदाजाची कमाल, याबाबतीत विराट कोहली सचिन तेंडुलकरलाही टाकले मागे
Champions Trophy 2025; पाकिस्तानने नकार दिल्यास या देशात होणार चॅम्पियन्स ट्रॉफी, मोठा खुलासा
