सनरायझर्स हैदराबाद विरुद्ध किंग्ज इलेव्हन पंजाब संघात गुरुवारी आयपीएलचा २२वा सामना पार पडला. या सामन्यात हैदराबादचे सलामीवीर डेविड वॉर्नर व जॉनी बेअरस्ट्रोने धमाकेदार शतकी सलामी दिली. याचबरोबर वॉर्नरने एक खास विक्रमही आपल्या नावावर केला.
प्रथम फलंदाजी करताना डेविड वॉर्नर व जॉनी बेयरस्टो जोडीने १५.१ षटकांत १६० धावांची सलामीला भागीदारी केली. यात एकट्या बेयरस्टोने ९७ धावा केल्या. वॉर्नरला बाद करत रवी बिष्णोईने ही भागीदारी मोडली.
सलामीला येत शतकी भागीदारी करणाऱ्या खेळाडूंमध्ये वॉर्नर पहिल्या स्थानी आला आहे. त्याने आयपीएलमध्ये शिखर धवनबरोबर तब्बल ६ वेळा शतकी भागीदारी केली तर आता याच यादीत दुसऱ्या स्थानावर वॉर्नर- बेयरस्टो आले आहे. त्यांनी १६ डावांत तब्बल पाचव्यांदा सलमीला शतकी भागीदारी केली आहे. आता सलामीला येत शतकी भागीदारी करण्याचे दोनही विक्रम वॉर्नरच्या नावावर आहेत.
हैदराबादकडून गेल्या ६ डावातील कोणत्याही क्रमांकाच्या ज्या शतकी भागीदारी झाल्या आहेत, त्या प्रत्येक भागीदारीत वॉर्नरचा समावेश आहे. त्याने या ६ भागीदारीतील ५ भागीदारी जॉनी बेयरस्टोबरोबर तर एक शतकी भागीदारी मनिष पांडेबरोबर केली.
आयपीएलवरुन कोणत्याही क्रमांकावर सर्वाधिक वेळा शतकी भागीदारी करणाऱ्या जोडीमध्ये वॉर्नर- बेयरस्टो जोडी चौथ्या स्थानी आली आहे. विराट-एबी डिविलियर्स जोडीने ९, विराट गेल जोडीने ९, तर वॉर्नर-धवन जोडीने ६ वेळा हा पराक्रम केला आहे.
महत्त्वाच्या बातम्या-
-करुन दाखवलं! वॉर्नरने आयपीएलमध्ये जे केलंय ते ना विराट ना रोहितला जमलंय
-केदार जाधवची सीबीआय चौकशी करा, चाहत्यांनी केली अजब मागणी
-दुःखद ! आर अश्विनच्या संघसहकाऱ्याने घेतला जगाचा निरोप
ट्रेंडिंग लेख-
-यंदाच्या आयपीएल हंगामात ‘या’ ३ संघांकडे आहे सर्वोत्तम गोलंदाजीचे आक्रमक
-IPL2020 – या ६ युवा खेळाडूंनी केले सर्वांना प्रभावित, लवकरच मिळू शकते टीम इंडियाकडून खेळण्याची संधी
-IPL – एकही विकेट न गमावता सर्वात मोठ्या धावसंख्येचा यशस्वी पाठलाग करणारे संघ