ऑस्ट्रेलियाचा विस्फोटक फलंदाज आणि आयपीएलच्या सनरायझर्स हैदराबादचा कर्णधार डेविड वॉर्नर याचे टॉलीवूडबद्दल असलेले प्रेम जगापासून लपून राहिलेले नाही. कोरोना व्हायरसमुळे करण्यात आलेल्या लॉकडाऊनदरम्यान त्याने कित्येक टॉलीवूड चित्रपटांच्या गाण्यावर बनवलेले व्हिडिओ सोशल मीडियावर शेअर केले होते. आता असाच एक गमतीशीर व्हिडिओ वॉर्नरने त्याच्या अधिकृत इंस्टाग्राम अकाउंटवर शेअर केला आहे.
वॉर्नरचा प्रसिद्ध अभिनेत्रीसोबत डान्स
या व्हिडिओत वॉर्नर बुट्टा बम्मा या तेलुगू गाण्यावर डान्स करताना दिसत आहे. यामध्ये त्याने प्रसिद्ध टॉलीवूड अभिनेता अल्लू अर्जुनची जागा घेतली आहे आणि तो अभिनेत्री पुजा हेगडेसोबत डान्स करत आहे. या व्हिडिओला वॉर्नरने कॅप्शन दिले आहे की, ‘लॉकडाऊनदरम्यान मी केलेली सर्वात आवडती गोष्ट. पूर्ण आयपीएलमध्ये मी हे गाणे ऐकत असायचो. हे गाणे ऐकले की मला खूप आनंद होतो.’
वॉर्नरने शेअर केलेला हा गमतीशीर व्हिडिओ चाहत्यांना खूप आवडल्याचे दिसत आहे. कित्येकांनी तर या व्हिडिओवर मजेशीर प्रतिक्रियाही दिल्या आहेत.
https://www.instagram.com/p/CHcLRXvFdgQ/?utm_source=ig_web_copy_link
वॉर्नरची आयपीएल २०२०मधील आकडेवारी
आयपीएल २०२०मध्ये वॉर्नरने शानदार फलंदाजी प्रदर्शन केले. तो सनरायझर्स हैदराबादकडून सर्वाधिक धावा करणारा फलंदाज आहे. पूर्ण हंगामात त्याने १६ सामने खेळले असून ४ अर्धशतकांच्या मदतीने ५४८ धावा केल्या आहेत. तसेच त्याच्या नेतृत्त्वाखाली हैदराबाद संघ प्लेऑफपर्यंत पोहोचला होता. परंतु क्वालिफायर २ सामन्यात दिल्ली कॅपिटल्सने त्यांचा विजयरथ रोखला. त्यामुळे यंदा विजेता ठरण्याचे त्यांचे स्वप्न अधुरे राहिले.
महत्त्वाच्या बातम्या-
दिल्लीने मुंबईला हिरा दिला हिरा! ‘या’ हुकमी गोलंदाजावर रोहित शर्माने केला कौतुकाचा वर्षाव
टीम इंडियाविरुद्ध ऑस्ट्रेलियन खेळाडू उतरणार विशेष जर्सीत, कारण आहे खूप खास
‘आपण जिंकू किंवा हारु! आपल्याला हसायचं’ जेव्हा रोहित टीमला प्रेरणा देतो…
ट्रेंडिंग लेख-
कोट्यवधी रुपयात विकत घेऊनही ‘या’ ५ परदेशी खेळाडूंना संघात दिली नाही संधी; एकाने गाजवलायं मागील हंगाम
मुंबईचे ५ पांडव! संघाला चॅम्पियन बनवण्यात ‘या’ पाच खेळाडूंनी निभावली मोलाची कामगिरी
आयपीएल २०२०: एकेकाळी मैदान गाजवणारे ५ मोठे खेळाडू; या हंगामात ठरले सपशेल फ्लॉप