ऑस्ट्रेलिया दिग्गज फलंदाज डेविड वॉर्नर २०१८ साली चेंडूशी छेडछाड केल्याप्रकरणी अडचणीत आला होता. याच पाश्वभूमीवर वॉर्नर आणि त्याच्या दोन सहकाऱ्यांवर क्रिकेट ऑस्ट्रेलियाने एक वर्षाची बंदी घातली होती. तसेच वॉर्नरला त्याच्या संपूर्ण कारकिर्दीत कर्णधारपद भूषवता येणार नाही, असाही निर्णय बोर्डाने घेतला होता. आता वॉर्नरची पत्नी कँडिस वॉर्नर हिने क्रिकेट ऑस्ट्रेलियाच्या या निर्णयाविरोधात आवाज उठवला आहे.
याच पार्श्वभूमीवर कँडिस वॉर्नर (Candice Warner) हिने सोमवारी (४ जुलै) नाराजी व्यक्त केली. कँडिसच्या मते तिच्या पतीवर कर्णधारपदासाठी लावली गेलेली बंदी लवकरात लवकर उठवली पाहिजे. वॉर्नरच्या पत्नीच्या मते तो सध्या चांगल्या फॉर्ममध्ये आहे. आयपीएलमध्ये त्याला कर्णधारपद मिळते, पण ऑस्ट्रेलियामध्ये तो ही जबाबदारी पार पाडू शकत नाहीये.
कँडिसच्या हवाल्याने एका वृत्तात सांगितले गेले की, “मला अन्याय आवडत नाही, त्यामुळेच मला त्रास होतो. तो संयुक्त अरब अमीरातमध्ये खेळेल्या गेलेल्या विश्वचषकात (टी-२०) कर्णधाराची भूमिका पार पाडू शकत होता. तो भारतात कर्णधार बनू शकतो, जिथे लोकं त्याच्या क्रिकेटचे कौतुक करतात. परंतु ऑस्ट्रेलियन संघाचे नेतृत्व करू शकत नाही, असे का?” कँडिसने पुढे असेही सांगितले की, वॉर्नरकडे जगभरातील टी-२० लीगमध्ये कर्णधारपद भूषवण्यासाठीचे अनेक प्रस्ताव आहेत.
दरम्यान, मागच्या वर्षी यूएई आणि ओमानमध्ये आयसीसी टी-२० विश्वचषक खेळला गेला होता. ऑस्ट्रेलियन संघाने त्यांचा पहिला टी-२० विश्वचषक जिंकला आणि यामध्ये वॉर्नरची भूमिका महत्वाची राहिली होती. ऑस्ट्रेलियाने नुकताच श्रीलंका दौरा केला. श्रीलंकेविरुद्धच्या मर्यादित षटकांच्या मालिकेतही वॉर्नरचे प्रदर्शन महत्वपूर्ण राहिले होते.
महास्पोर्ट्सचा व्हॉट्सअप ग्रूप जॉइन करण्यासाठी येथे क्लिक करा
महत्वाच्या बातम्या –
हे नक्की काय आहे? ‘बझबॉल’बद्दलच्या प्रश्नावर भारतीय प्रशिक्षक द्रविड यांचे लक्षवेधी उत्तर
भारतीय दिग्गजांनी गायले इंग्लंडचे कौतुक, टीम इंडियाला म्हटले ‘या’ चुका सुधारा
