भारतीय क्रिकेट संघ आणि आयपीएल फ्रँचायझी चेन्नई सुपर किंग्ज यांचा महत्वाचा वेगवान गोलंदाज दीपक चाहर यावर्षी आयपीएल खेळू शकला नाही. वेस्ट इंडीजविरुद्ध मायदेशात खेळल्या गेलेल्या मालिकेत दुखापत झाल्यामुळे त्याला विश्रांती घ्यावी लागली होती. त्याची ही दुखापत अद्याप पूर्णपणे बरी झालेली नाहीये. पण संघातून बाहेर असतानाच त्याने प्रेयसी जया भारद्वाजसोबत सोबत लग्न केले आहे.
आयपीएल २०२१ चा दुसरा टप्पा यूएईमध्ये खेळला गेला होता. वेगवान गोलंदाज दीपक चाहरला पाहण्यासाठी जया भारद्वाज चेन्नई सुपर किंग्सच्या अखेरच्या साखळी फेरीच्या सामन्यादरम्यान मैदानात आली होती. तो सामना संपल्यानंतर दीपकने जयाला लग्नासाठी मागणी घातली आणि तिने देखाली लाईव्ह सामन्यात होकार दिला होता.
जया भारद्वाज बिग बॉसमध्ये सहभागी झालेला सिद्धार्थ भारद्वाजची बहीण आहे. त्यांचे कुटुंब मुळचे दिल्लीचे राहणार आहे. आयपीएल २०२२ हंगाम खेळू न शकलेला दीपक चाहर आता मोकळ्या वेळेत लग्नबंधनात अडकला आहे. दोघांचे लग्न आग्रा येथे झाले. लग्नसमारंभाला ‘द रॉयल ग्रँड्योर’ असे नाव दिले गेले होते
https://www.instagram.com/p/CeR9E6JIFxT/
दुखापतीमुळे दीपक मागच्या मोठ्या काळापासून घरी किंवा राष्ट्रीय क्रिकेट अकादमीत राहिला. मायदेशातील आंतरराष्ट्रीय मालिका खेळताना दीपकला झालेली दुखापत जास्त गेली. त्यानंतर त्याला रिहॅबीलिटेशनसाठी राष्ट्रीय अकादमी म्हणजेच बेंगलोरच्या एमसीएमध्ये पाठवले गेले. हॅमस्ट्रिंगशी झगडणाऱ्या दीपकला एनसीएमध्ये गेल्यानंतर पाठीला दुखापत झाल्याचे समजले. ही दुखापत गंभीर असल्यामुळे त्याला आयपीएल २०२२ च्या संपूर्ण हंगामातून माघार घ्यावी लागली होती. चेन्नई सुपर किंग्जने मेगा लिलावात त्याला खरेदी करण्यासाठी १४ कोटी रुपये मोजले होते, पण ता हंगामातून बाहेर पडल्यामुळे सीएसके संघाच्या अडचणी वाढल्या.
https://www.instagram.com/p/CeRVACDh2SC/
दीपक आणि जया यांची पहिली भेट जून २०२१ मध्ये झाली होती. दीपकची बहीण मालती चाहरने या दोघांची भेट घडवून आणली होती, जी स्वतः मॉडलिंग करते. पहिल्या भेटीनंतर दोघांमध्ये चांगली मैत्री झाली आणि ही मैत्री पुढे प्रेमात बदलली. दीपकने ७ ऑक्टोबर २०२१ मध्ये जयाला यूएईमध्ये आयपीएल सामन्यादरम्यान लग्नाची मागणी घातली. दीपकने घातलेली मागणी जेव्हा जयाने स्वीकारली, तेव्ही त्याची बहीण मालतीने सोशल मीडियावर पोस्ट करून याचा आनंद व्यक्त केला होता.
महास्पोर्ट्सचा व्हॉट्सअप ग्रूप जॉइन करण्यासाठी येथे क्लिक करा
महत्वाच्या बातम्या –
हुश्श! गांगुली सोडणार नाही अध्यक्षपद, ट्वीटमागे होतं ‘हे’ कारण
‘लॉर्ड’ ठाकूरच्या शब्दामुळे युवा स्पिनरला मिळाली आयपीएल पदार्पणाची संधी, स्वतः केला खुलासा
‘बंद करा त्या टी-२० मालिका, फक्त विश्वचषक खेळवा’, असं का म्हणाले रवी शास्त्री? जाणून घ्या सविस्तर
