भारतीय पुरुष संघाचा वेगवान गोलंदाज मोहम्मद सिराजला तेलंगणामध्ये डीएसपी बनवण्यात आले होते. आता भारताची महिला संघाची स्टार अष्टपैलू दीप्ती शर्मा डीएसपीच्या वर्दीमध्ये दिसली. दीप्तीने इंस्टाग्रामवर काही फोटो शेअर केले आहेत. ज्यामध्ये ती डीएसपीच्या वर्दीमध्ये दिसत आहे. दीप्ती डीएसपी होण्यासोबतच सरकारने तिला बक्षीस म्हणून मोठी रक्कमही दिली.
उत्तर प्रदेश सरकारने गेल्या वर्षी जानेवारीमध्ये दीप्ती शर्माला डीएसपी बनवण्याचा निर्णय घेतला होता. याशिवाय, दीप्तीला सरकारने 3 कोटी रुपयांचे बक्षीस दिले होते. दीप्ती ही आग्राची रहिवासी आहे. लहानपणापासूनच तिला क्रिकेट खेळण्याची आवड होती. ती तिच्या भावासोबत क्रिकेट खेळायला जायची. अशाप्रकारे, तिची कहाणी हळूहळू वाढत गेली आणि ती भारतीय संघात पोहोचली.
इंस्टाग्रावर पोस्ट करत दीप्ती म्हणाली, “हा टप्पा गाठताना मी कृतज्ञतेने भारावून गेली आहे! मी माझ्या कुटुंबाचे मनापासून आभार मानू इच्छितो, ज्यांचे अढळ पाठबळ आणि आशीर्वाद हे माझे प्रेरणास्थान राहिले आहे. सेवा करण्याची ही संधी मिळाल्याबद्दल मी उत्तर प्रदेश सरकारचाही आभारी आहे. उत्तर प्रदेश पोलिसात डीएसपी म्हणून ही नवीन भूमिका स्वीकारताना, मी माझ्या कर्तव्यांना पूर्णपणे समर्पित करण्याचे आणि सचोटीने सेवा करण्याचे वचन देतो. तुमच्या पाठिंब्याबद्दल पुन्हा एकदा सर्वांचे आभार!”
View this post on Instagram
वयाच्या अवघ्या 12 व्या वर्षी दीप्तीची उत्तर प्रदेश संघात निवड झाली. 2014 मध्ये, दीप्तीने भारतासाठी आंतरराष्ट्रीय पदार्पण केले. तेव्हापासून ती टीम इंडियासाठी तिन्ही फॉरमॅटमध्ये खेळत आहे. दीप्ती ही टीम इंडियाच्या मुख्य खेळाडूंपैकी एक आहे. आतापर्यंत तिने आपल्या अष्टपैलू कामगिरीने टीम इंडियाला अनेक सामने जिंकण्यास मदत केली आहे.
DSP DEEPTI SHARMA OF UTTAR PRADESH POLICE ???? pic.twitter.com/5VYhtSvlx6
— Johns. (@CricCrazyJohns) January 29, 2025
दीप्ती शर्माच्या आंतरराष्ट्रीय कारकीर्दीबाबत बोलायचे झाल्यास, ती भारतासाठी तिन्ही फॉरमॅटमध्ये खेळते. 27 वर्षीय दीप्ती शर्माने तिच्या आंतरराष्ट्रीय कारकिर्दीत आतापर्यंत 5 कसोटी, 101 एकदिवसीय आणि 124 टी20 आंतरराष्ट्रीय सामने खेळले आहेत. कसोटी सामन्यांमध्ये दीप्तीने फलंदाजीत 319 धावा केल्या आहेत आणि गोलंदाजी करताना 20 विकेट्स घेतल्या आहेत. याशिवाय, एकदिवसीय सामन्यांमध्ये तिने 2154 धावा केल्या आहेत आणि गोलंदाजी करताना 130 विकेट्स घेतल्या आहेत. उर्वरित टी20 आंतरराष्ट्रीय सामन्यांमध्ये दीप्तीने फलंदाजीत 1086 धावा आणि गोलंदाजीत 138 विकेट्स घेतल्या आहेत.
हेही वाचा-
डीएसपी मोहम्मद सिराज या अभिनेत्रीच्या प्रेमात वेडा, डेटिंगच्या चर्चांना उधाण!
इंग्लंडविरुद्धच्या चौथ्या टी20 सामन्यासाठी टीम इंडिया पुण्यात पोहोचली, मालिकेत भारताची 2-1 ने आघाडी
आगामी चॅम्पियन्स ट्रॉफीपूर्वी हा भारतीय खेळाडू रणजी सामना खेळणार, फिटनेसवर असणार नजरा
