भारतीय क्रिकेट संघाचा माजी कर्णधार आणि अनुभवी यष्टीरक्षक फलंदाज एमएस धोनी याच्याविरोधात दिल्ली उच्च न्यायालयात मानहानीचा खटला दाखल करण्यात आला आहे. धोनीचे दोन माजी व्यावसायिक भागीदार मिहिर दिवाकर आणि त्याची पत्नी सौम्या दास यांनी हा खटला दाखल केला आहे. या प्रकरणाची सुनावणी 18 जानेवारी रोजी न्यायमूर्ती प्रतिभा एम सिंह यांच्या न्यायालयात होणार आहे. काही दिवसांपूर्वी धोनीने अर्का स्पोर्ट्स प्रायव्हेट लिमिटेड अँड मॅनेजमेंट लिमिटेडच्या मिहिर आणि सौम्याविरुद्ध रांची सिव्हिल कोर्टात फौजदारी खटला दाखल केला होता, ज्यामध्ये 15 कोटी रुपयांचे आर्थिक नुकसान केल्याचा आरोप आहे.
एमएस धोनी (Ms Dhoni) याने केस दाखल केल्यानंतर, त्याच्या माजी भागीदाराने त्याच्या प्रतिष्ठेला हानी पोहोचवण्यापासून रोखण्याची मागणी करत मानहानीचा खटला दाखल केला आहे. पीटीआयच्या वृत्तानुसार, मिहिर आणि सौम्या यांनी धोनीने अनेक सोशल मीडिया प्लॅटफॉर्म आणि मीडिया हाऊसेस यांच्याविरुद्ध कायमस्वरूपी मनाई आणि नुकसान भरपाईसाठी उच्च न्यायालयात धाव घेतली. फिर्यादीने त्यांना विनंती केली आहे की या सर्वांना आपल्या विरुद्ध बदनामीकारक आणि दुर्भावनापूर्ण विधाने करण्यापासून आणि प्रसारित करण्यापासून रोखावे.
हे प्रकरण 2017 मध्ये झालेल्या व्यावसायिक कराराशी संबंधित आहे. त्यानंतर धोनी आणि अर्का स्पोर्ट्स मॅनेजमेंट यांच्यात एक करार झाला, ज्या अंतर्गत भारतात आणि परदेशात क्रिकेट अकादमी उघडल्या जाणार होत्या. या करारात मान्य केलेल्या अटींचे पालन नंतर करण्यात आले नाही, असा आरोप आहे. धोनीच्या वकिलाने अलीकडेच सांगितले की, “सुरुवातीला असे मान्य करण्यात आले होते की, क्रिकेटपटूला संपूर्ण फ्रँचायझी फी मिळेल आणि नफा धोनी आणि भागीदारांमध्ये 70:30 च्या आधारावर विभागला जाईल. पण दोन भागीदारांनी धोनीच्या नकळत ऍकाडमीचे काम सुरू केली आणि कोणतेही पैसे दिले नाहीत.” (Defamation case filed against MS Dhoni former business partner has made major allegations)
हेही वाचा
भारताचा युवा खेळाडू भेटला आपल्या आयडाॅलला; दिग्गजाच्या पायापडून घेतला आशीर्वाद, पाहा व्हिडिओ
PAK vs NZ: फिन ऍलनच्या वादळात पाकिस्तानी गोलंदाजी उद्ध्वस्त, न्यूझीलंडने मालिका 3-0 ने घातली खिशात