‘टेस्ट स्पेशलिस्ट’ पुजाराच्या फलंदाजीला गंज, माजी क्रिकेटरने दिला ‘हा’ बहुमुल्य सल्ला

कसोटी क्रिकेटमध्ये चेतेश्वर पुजाराच्या स्ट्राइक रेटवर चर्चा करताना स्टार स्पोर्ट्सच्या ‘फाॅलो द ब्लूज’ या कार्यक्रमात लाराने म्हटले की, “जेव्हा फलंदाज इतक्या मंद गतीने फलंदाजी करतो, तेव्हा खेळीदरम्यान त्याची गती बऱ्याचदा बदलते. अशात डाव्या हाताच्या या फलंदाजाला त्याच्या स्ट्राइक रेटमध्ये सुधारणा करण्याची गरज आहे. तो खूप मंद गतीने फलंदाजी करतो.”

ब्रायन लारा पुढे म्हणाला, “जर मी त्याचा प्रशिक्षक असतो किंवा एखादा असा व्यक्ती असतो ज्याची इच्छा आहे की पुजाराने सुधारणा करावी. तर मी त्याला वेगवेगळे शाॅट खेळण्यासाठी तयार केले असते आणि अशा स्ट्राइक रेटने धावा करण्याची तयारी करुन घेतली, जी त्यांच्या संघासाठी फायदेशीर असेल. तो त्याचे काम करतो आणि मला माहित आहे की, त्याचे काम काय आहे. मात्र मला वाटते की, जेव्हा तुम्ही खूप मंद गतीने फलंदाजी करता तेव्हा तुमच्या डावादरम्यान सामन्याची स्थिती अनेकदा बदलते आणि तुम्ही गोलंदाजांना तुमच्यावर हावी होण्याची संधी देता.”

चेतेश्वर पुजाराने कसोटी क्रिकेटमध्ये शतक करून ३० महिन्यांपेक्षा जास्त काळ झाला आहे. इंग्लंड आणि भारत यांच्यातील पहिला कसोटी सामना पावसामुळे अनिर्णीत राहिला होता. दुसऱ्या कसोटी सामन्यात भारतीय संघाने १५१ धावांनी इंग्लंडला पराभूत केले. भारताच्या या विजयानंतर संघाने मालिकेत १-० आशी आघाडी घेतलेली आहे. आता तिसऱ्या सामन्याची सुरूवात भारतीय संघासाठी खराब ठरली आहे. इंग्लंड हा सामना जिंकून मालिकेत भारतीची बरोबरी करण्याच्या प्रयत्नात आहे.

महत्त्वाच्या बातम्या-

इंग्लंडला डिवचणे भारताला भोवले; दिग्गज म्हणाले, ‘कोहलीने आपला अहंकार खिशात ठेवावा’

लीड्स कसोटीत फलंदाजी करतेवेळी पंतकडून झाली ‘ही’ चूक, पंचांनी वेळीच दिला इशारा 

पहिल्या टी२०त ओमानचा मुंबईला धोबीपछाड, २ विकेट्सने जिंकला सामना