सूर्यकुमारच्या शतकी खेळीनंतर भारताच्या आजीमाजी खेळाडूंची टिवटिव; सचिनही झाला स्कायचा ‘फॅन’

इंग्लंडविरुद्धच्या दुसऱ्या टी-२० सामन्यात भारतीय संघाला १७ धावांनी पराभव स्विकारावा लागला. विजयासाठी भारताला २१६ धावांची आवश्यकता होती, पण संघ ९ विकेट्सच्या नुकसानावर १९८ धावांपर्यंत मजल मारू शकला. एकट्या सूर्यकुमार यादव याच्या जोरावर भारताला इथपर्यंत पोहोचता आले. सूर्यकुमारने केलेल्या शतकी खेळीसाठी अनेक दिग्गजांनी त्याचे कौतुक केले आहे. यामध्ये भारताचा महान फलंदाज सचिन तेंडुलकरचाही समावेश आहे.

सूर्यकुमार यादव (Suryakumar Yadav) या सामन्यात एकूण ५५ चेंडू खेळला, ज्यामध्ये १४ चौकार आणि ६ षटकारांच्या मदतीने ११७ धावा केल्या. त्याने अवघ्या ४८ चेंडूत शतक पूर्ण केले. सूर्यकुमारव्यतिरिक्त भारताचा एकही फलंदाज ३० धावांपर्यंत मजल मारू शकला नाही. तो १९ व्या षटकात बाद झाल्यामुळे, संघ लक्ष्य गाठू शकला नाही. परंतु त्याच्या शतकानंतर अनेक दिग्गज सोशल मीडियावर व्यक्त होत आहेत.

माजी दिग्गज सचिन तेंडुलकर (Sachin Tendulkar) याने देखील सूर्यकुमारचे कौतुक करणारे ट्वीट केले आहे. सचिनने अधिकृत ट्वीटर खात्यावरून केलेल्या पोस्टमध्ये लिहिले की, “कमालीचे शतक केले सूर्यकुमार यादव. तू अनेक उत्कृष्ट शॉट्स खेळले, त्यातील पॉइंटच्या वरून ते स्कूप करून मारलेले षटकार अप्रतिम होते.”

https://twitter.com/sachin_rt/status/1546177383559901187?s=20&t=_9XB1QMiNz9UhwK4X3045A

भारतीय संघाचा माजी फिरकी गोलंदाज अमित मिश्राने ट्वीट केले की, “सूर्या रविवारी चमकला. टी-२० आंतरराष्ट्रीयमध्ये शतक ठोकणारा पाचवा भारतीय , तुला माझा सलाम आहे सूर्यकुमार यादव. तू याचा हकदार आहे. ”

https://twitter.com/MishiAmit/status/1546176625942749186?s=20&t=2K2mbYcTDYW5Lu8vPVMmIg

भारताचा माजी वेगवान गोलंदाज इरफान पठाणने ट्वीट केले की, “सूर्यकुमार यादव. सर्वकडे शॉट्स मारणारा उत्कृष्ट फलंदाज.”

https://twitter.com/IrfanPathan/status/1546181198166228993?s=20&t=cIcE5nvXFhrhnrdCT_OykQ