भारत आणि इंग्लंड यांच्यात सध्या पाच सामन्यांची टी २० मालिका खेळली जात आहे. या मालिकेनंतर दोन्ही संघांमध्ये तीन सामन्यांची वनडे मालिका खेळली जाणार आहे. या मालिकेसाठी इंग्लंडने आज (३ जुलै) त्यांचा १६ सदस्यांचा संघ जाहीर केला आहे. गस एटकिंसन आणि साकिब महमूद यांचे संघपुनरागमन झाले आहे, तर काही नवख्या खेळाडूंना निवडण्यात आले आहे.
आंतरराष्ट्रीय पदार्पण न केलेल्या अष्टपैलू जेम्स कोल्सला इंग्लंडच्या वनडे संघात स्थान मिळाले आहे. त्याची निवड आधीच भारताविरुद्धच्या टी २० मालिकेसाठी झाली आहे. आता तो पहिल्यांदाच वनडे संघातही सामील झाला आहे. जोश टंग ज्याने अद्याप वनडे पदार्पण केलेले नाही, त्यालाही संधी देण्यात आली आहे. त्याने २०२५ च्या ऍशेस मालिकेत प्रभावी कामगिरी केली होती.
या वनडे मालिकेतील पहिला सामना १४ जुलैला एजबस्टन येथे खेळला जाणार आहे. त्यानंतर १६ जुलैला कार्डिफ आणि १९ जुलैला लॉर्ड्सवर होणाऱ्या तिसऱ्या सामन्याने मालिकेचा शेवट होणार आहे. (England Squad for India ODI Series)
वनडे मालिकेसाठी संघ-
इंग्लंड – हॅरी ब्रुक (कर्णधार), रेहान अहमद, जोफ्रा आर्चर, गस ऍटकिन्सन, टॉम बँटन, जेकब बेथेल, जोस बटलर, जेम्स कोल्स, सॅम करन, लियाम डॉसन, बेन डकेट, विल जॅक्स, साकिब महमूद, आदिल रशीद, जो रूट, जोश टंग.
भारत – शुबमन गिल (कर्णधार), रोहित शर्मा, विराट कोहली, श्रेयस अय्यर, सूर्यांश शेडगे, वॉशिंग्टन सुंदर, अक्षर पटेल, केएल राहुल, ईशान किशन, कुलदीप यादव, जसप्रीत बुमराह, प्रसिद कृष्णा, हर्षित राणा, अर्शदीप सिंग, गुरनूर ब्रार.
मालिकेचे वेळापत्रक-
पहिला वनडे सामना – १४ जुलै, एजबस्टन, बर्मिंगहॅम
दुसरा वनडे सामना – १६ जुलै, सोफिया गार्डन्स, कार्डिफ
तिसरा वनडे सामना – १९ जुलै, लॉर्ड्स क्रिकेट मैदान, लंडन
