भारताविरुद्ध चॅम्पियन्स ट्रॉफीमध्ये पराभव झाल्यानंतर पाकिस्तानी चाहते खूप निराश झाले आहेत. कोणी टीव्ही फोडत आहे तर कोणी सोशल मीडियाद्वारे आपली निराशा व्यक्त करत आहे. आता एका पाकिस्तानी पत्रकारालाही आपल्या संघाच्या खराब कामगिरीवर राग आला आहे. त्याने आयसीसीला विनंती केली आहे की, आतापासून भारत आणि पाकिस्तानला वेगवेगळ्या गटात ठेवावे, कारण पाकिस्तानी चाहते त्यांच्या संघाला हरताना पाहून कंटाळले आहेत.
पाकिस्तानी मीडिया चॅनेल ‘द डॉन’चे पत्रकार इम्रान सिद्दीकी यांनी आयसीसीला आवाहन केले आणि म्हटले की, “पाकिस्तान संघाचा चाहता म्हणून, मी आयसीसीला विनंती करतो की कृपया आतापासून भारत आणि पाकिस्तानला वेगवेगळ्या गटात ठेवावे. दरवर्षी पराभवाच्या निराशेने आम्ही ग्रस्त आहोत. जर हे शक्य नसेल, तर या हाय-प्रोफाइल सामन्यांमधून मिळणाऱ्या नफ्यातील काही भाग पाकिस्तानी चाहत्यांना वाटला पाहिजे. या पैशातून आम्ही आमच्या उपचारांसाठी रुग्णालयात जाऊ शकतो.” आम्ही हे करू शकतो कारण आता आम्हाला हा वार्षिक अपमान सहन होत नव्हता.”
पाकिस्तानचा भारताविरुद्धचा शेवटचा एकदिवसीय विजय 2017 च्या चॅम्पियन्स ट्रॉफीच्या अंतिम सामन्यात झाला होता. त्यानंतर, हे दोन्ही संघ आशिया कपमध्ये चार वेळा समोरासमोर आले आहेत, त्यापैकी 3 वेळा टीम इंडिया विजयी झाली आहे आणि एक सामना अनिर्णीत राहिला होता. 2019 आणि 2023 च्या एकदिवसीय विश्वचषकातही भारतीय संघ विजयी झाला होता. आता चॅम्पियन्स ट्रॉफी 2025 मध्येही भारतीय संघाने पाकिस्तान संघाला 6 विकेट्सने हरवले आहे. भारतासाठी पाकिस्तान संघाचा विजयाचा दुष्काळ गेल्या 7 वर्षांपासून सुरू आहे.
महत्वाच्या बातम्या :
किंग नक्की कोण, बाबर की कोहली? वहाब रियाजने काय दिले उत्तर!
भारत-पाक सामन्यात शानदार क्षेत्ररक्षण! शिखर धवनने केला या खेळाडूचा गौरव
दुबईत भारतीय संघाला धक्का, पाकिस्तानचा मोठा विजय ,बाबर-रिझवान चमकले
