भारताचे महान धावपटू मिल्खा सिंग यांचे शुक्रवारी (१८ जून) रात्री कोरोनामुळे निधन झाले. मृत्यीसमयी ते ९१ वर्षांचे होते. मिल्खा सिंग यांच्या निधनानंतर सर्व क्षेत्रातून त्यांना श्रद्धांजली वाहण्यात आली. मिल्खा सिंग यांच्या आयुष्यावर आधारित ‘भाग मिल्खा भाग’ चित्रपटात त्यांची भूमिका साकारणारा अभिनेता फरहान अख्तर याने मिल्खा सिंग यांना श्रद्धांजली देताना एक भावनिक पत्र लिहिले तसेच त्यांच्यासोबतचे एक जुने छायाचित्रे देखील पोस्ट केले.
फरहान अख्तरचे भावनिक पत्र
सन २०१३ मध्ये आलेल्या भाग मिल्खा भाग या चित्रपटात फरहान अख्तर याने मिल्खा सिंग यांची भूमिका साकारली होती. त्या भूमिकेचे त्यावेळी चांगलेच कौतुक झालेले. मिल्खा सिंग यांच्या सोबतच्या आठवणी जागवताना फरहान अख्तरने सोशल मीडियावर एक पत्ररुपी संदेश लिहिला. फरहानने लिहिले,
‘प्रिय मिल्खा जी, तुम्ही आता आमच्यात नाही, यावर विश्वास बसत नाही. माझ्या जिद्दी स्वभावामुळे मी तुमच्याकडून खूप काही शिकू शकलो. एकदा एखादी गोष्ट करण्याचा विचार मनात आणला तर ते करून दाखवण्यास तुम्ही शिकवले. तुम्ही आमच्या आठवणीत जिवंत राहणार आहात. लोकांवर प्रेम करणारे, मोठ्या मनाचे, जमिनीशी जोडलेले तुम्ही व्यक्ती होता.’
https://www.instagram.com/p/CQSM6Hkh2Ug/?utm_medium=copy_link
फरहान अख्तरने या पत्रात पुढे लिहिताना म्हटले, ‘तुम्ही एक स्वप्न सर्वांपुढे पुढे ठेवले आहे. कठोर परिश्रम, प्रामाणिकपणा आणि समर्पणाने एखादी व्यक्ती आकाशाची उंची गाठू शकतो हे आपण दाखवून दिले. आपण आमच्या सर्वांच्या जीवनास स्पर्श केला आहे. तुम्हाला एक पिता आणि मित्र या नात्याने ओळखणाऱ्या सर्वांना तुम्ही आशीर्वाद दिले. तसेच, जे तुम्हाला ओळखत नाहीत त्यांच्यासाठी तुम्ही नेहमीच प्रेरणास्त्रोत आणि नम्रतेचा स्त्रोत राहणार. तुमच्यावर मी मनापासून प्रेम करतो.’
या बॉलीवुड सेलिब्रिटींनी वाहिली श्रद्धांजली
फरहान अख्तर व्यतिरिक्त अमिताभ बच्चन, अक्षय कुमार, रविना टंडन, प्रियंका चोप्रा, राहुल बोस तसेच अंगद बेदी, नेहा धुपिया, अनुपम खेर या बॉलीवुड सेलिब्रेटींनी देखील मिल्खा सिंग यांना सोशल मीडियावरून श्रद्धांजली वाहिली.
महत्त्वाच्या बातम्या –
क्या बात! ८९ वर्षांच्या क्रिकेट इतिहासात पहिल्यांदाच घडलंय असं, टीम इंडियाने केला वेगळाच कारनामा
‘विक्रमवीर’ विराट! एमएस धोनीला मागे टाकत ‘कर्णधार’ कोहलीने केला नवा विक्रम प्रस्तापीत
WTC फायनलमध्ये ‘अशाप्रकारे’ भारतीय संघाने वाहिली मिल्खा सिंग यांना श्रद्धांजली
