Argentina vs Spain Final स्पेन विरुद्ध अर्जेंटिना यांच्यात FIFA World Cup 2026 फिफा विश्वचषक 2026 चा अंतिम सामना आज होणार आहे. मात्र, या सामन्यापूर्वी अर्जेंटिनाचा स्टार खेळाडू लिओनेल मेस्सीला Lionel Messi धक्का बसला आहे. गोल्डन बूटच्या शर्यतीत तो मागे पडला असून, केवळ अंतिम सामन्यातील ऐतिहासिक कामगिरीमुळेच त्याला हा पुरस्कार जिंकण्याची संधी मिळू शकेल.
स्पर्धेतील तिसऱ्या स्थानासाठी झालेल्या सामन्यात फ्रान्सचा स्टार खेळाडू Kylian Mbappe किलियन एमबाप्पेने इंग्लंडविरुद्ध दोन गोल करत इतिहास रचला. तरीही, त्याच्या फ्रान्स संघाचा 4-6 अशा फरकाने पराभव झाला.
या विश्वचषकादरम्यान, लिओनेल मेस्सीने सर्वाधिक विश्वचषक गोल करण्याचा जर्मनीच्या मिरोस्लाव क्लोसचा विक्रम मोडला होता. उपांत्य सामन्यानंतर तो या यादीत आघाडीवर होता. मात्र, अंतिम सामन्यापूर्वी किलियन एमबाप्पे 22 गोलसह अव्वल स्थानावर पोहोचला आहे, तर मेस्सी 21 गोलसह दुसऱ्या स्थानावर घसरला आहे. तरीही, अंतिम सामन्यात पुन्हा आघाडी घेण्याची संधी त्याला मिळेल. हा मेस्सीचा शेवटचा विश्वचषक मानला जात आहे. FIFA World Cup Final 2026
गोल्डन बूटच्या शर्यतीत मेस्सी दुसऱ्या स्थानावर
उपांत्य सामन्यानंतर गोल्डन बूटच्या शर्यतीत आघाडीवर असलेला मेस्सी आता दुसऱ्या स्थानावर आला आहे. आजवर मेस्सीने Messi Golden Boot कधीही विश्वचषकाचा गोल्डन बूट’पुरस्कार जिंकलेला नाही. स्पर्धेत सर्वाधिक गोल करणाऱ्या खेळाडूला हा पुरस्कार दिला जातो.
फ्रान्स आणि इंग्लंड यांच्यातील तिसऱ्या स्थानासाठीचा सामना ऐतिहासिक ठरला. इंग्लंडने 6-4 असा विजय मिळवला. या सामन्यात एमबाप्पेने दोन गोल केले, ज्यामुळे या विश्वचषकातील त्याची एकूण गोलसंख्या 10 वर पोहोचली.
गोल्डन बूट जिंकण्यासाठी Mbappe Golden Boot मेस्सीकडे आता केवळ एकच संधी उरली आहे. ती म्हणजे स्पेनविरुद्धचा अंतिम सामना.
सध्या, किलियन एमबाप्पे 10 गोलसह अव्वल स्थानावर आहे, तर मेस्सीच्या नावावर 8 गोल आहेत. त्यामुळे, गोल्डन बूट जिंकण्यासाठी मेस्सीला अंतिम सामन्यात किमान तीन गोल करावे लागतील.
जर मेस्सीने दोन गोल केले, तर तो एमबाप्पेच्या बरोबरीला येईल. अशा परिस्थितीत, विजेत्याचा निर्णय घेण्यासाठी असिस्टची संख्या विचारात घेतली जाईल. सध्या मेस्सी आणि एमबाप्पे या दोघांच्याही नावावर प्रत्येकी चार असिस्ट आहेत. परिणामी, मेस्सीसाठी गोल्डन बूट जिंकण्याचा मार्ग आता अधिक कठीण झाला आहे.
